ຕາມຂ່າວສານຈີນ: ເຈົ້າໜ້າທີ່ໄທກ່າວວ່າ, ປະເທດຕົນຈະພະຍາຍາມກໍ່ສ້າງສູນການບິນພາກພື້ນ ເຊິ່ງປະກອບມີສະໜາມບິນ, ສູນຂົນສົ່ງສິນຄ້າທາງອາກາດ ແລະສູນສ້ອມແປງເຮືອບິນ ທີ່ນຳໜ້າ.
ທ່ານອາຄົມ ເຕີມພິທະຍະໄພສິດ ລັດຖະມົນຕີກະຊວງຄົມມະນາຄົມໄທກ່າວວ່າ, 10 ປີຕໍ່ໜ້ານີ້, ຈະລົງທຶນ 400 ຕື້ບາດ ເພື່ອສາມາດເພີ່ມປະລິມານການຂົນສົ່ງຜູ້ໂດຍສານຂອງສະໜາມບິນ 39 ແຫ່ງໃນປະເທດຈາກ 130 ລ້ານເທື່ອຄົນຕໍ່ປີ ຂຶ້ນເປັນ 277 ຕື້ຄົນຕໍ່ປີ ແລະຄວາມສາມາດຂົນສົ່ງສິນຄ້າທາງອາກາດໃຫ້ເພີ່ມຈາກ 1 ລ້ານ 3 ແສນໂຕນຕໍ່ປີຂຶ້ນເປັນ 3 ລ້ານໂຕນຕໍ່ປີ.
ຂ່າວແຈ້ງຕື່ມວ່າ, ຫວ່າງແລ້ວນີ້, ຄະນະປະທານບໍລິສັດສະໜາມບິນໄທໄດ້ອະນຸມັດແຜນພັດທະນາສະໜາມບິນຮອບ 10 ປີ ເຊິ່ງຈະລົງທຶນ 220 ຕື້ບາດ ເພື່ອປັບປຸງການບໍລິການດ້ວຍລະບົບຮາດແວ ແລະຊ໋ອບແວຂອງສະໜາມບິນສາກົນ 6 ແຫ່ງ ເຊັ່ນ: ສະໜາມບິນສຸວັນນະພູມ, ສະໜາມບິນດອນເມືອງ, ສະໜາມບິນຊຽງໃໝ່, ສະໜາມບິນຊຽງລາຍ, ສະໜາມບິນພູເກັດ ແລະສະໜາມບິນຫາດໃຫຍ່, ເມື່ອເຖິງເວລານັ້ນ, ຄວາມສາມາດຂົນສົ່ງໂດຍຜູ້ສານຂອງສະໜາມບິນທັງ 6 ແຫ່ງນີ້ຈະເພີ່ມຈາກ 83 ລ້ານ 5 ແສນຄົນຕໍ່ປີຂຶ້ນເປັນ 200 ລ້ານຄົນຕໍ່ປີ.
 |
