ຕາມຂ່າວສານຊິນຮວາ: ຫ້ອງການຖະແຫຼງຂ່າວຈີນເປີດເຜີຍ "ບົດລາຍງານບັນຫາສິດທິມະນຸດອາເມລິກາ 2016" ແລະ "ບົດລາຍງານອາເມລິກາລະເມີດມະນຸດສະທຳ 2016" ໃນວັນທີ 9 ມີນາ ໂດຍໄດ້ຕອບໂຕ້ ອາເມລິກາຫຼັງປະເທດນີ້ໄດ້ເປີດເຜີຍ "ບົດລາຍງານບັນຫາສິດທິມະນຸດຂອງປະເທດຕ່າງໆ" ໂດຍລະບຸໄວ້ວ່າ, ການທີ່ກະຊວງການຕ່າງປະເທດອາເມລິກາເປີດເຜີຍ "ບົດລາຍງານບັນຫາສິດທິມະນຸດຂອງປະເທດຕ່າງໆ 2016" ໃນວັນທີ 3 ມີນານີ້ມີການສືບຕໍ່ຈະພະຍາຍາມຍົກໂຕເປັນ "ກຳມະການດ້ານສິດທິມະນຸດ" ແລະໃຊ້ "ສິດທິມະນຸດເປັນຄັນຕາລະບັດ", ຂະນະດຽວກັນກໍຕຳນິສະພາບສິດທິມະນຸດຂອງບັນດາປະເທດໃນໂລກ ໂດຍບໍ່ໄດ້ສົນໃຈຕໍ່ບັນຫາສິດທິມະນຸດທີ່ຖືກລະເມີດຢ່າງໜັກໜ່ວງຂອງອາເມລິກາເອງ.
ບົດລາຍງານດັ່ງກ່າວປະກອບດ້ວຍຄຳນຳ, ການສະທ້ອນບັນຫາຊີວິດ ແລະສິດທິທາງຮ່າງກາຍທີ່ຖືກລ່ວງລະເມີດຢ່າງໜັກໜ່ວງ, ສິດທິການເມືອງຖືກຢຽບຢ່ຳ, ສະພາບການດຳລົງຊີວິດຂອງກຸ່ມຄົນມີລາຍໄດ້ປານກາງແລະຕ່ຳປະສົບຄວາມຫຍຸ້ງຍາກ, ການດູໝິ່ນເຊື້ອຊາດນັບມື້ນັບຮ້າຍແຮງ, ສິດທິຂອງແມ່ຍິງ, ເດັກນ້ອຍແລະຜູ້ຊະລາຂາດຄວາມຮັບປະກັນ, ລ່ວງລະເມີດສິດທິມະນຸດຂອງປະເທດອື່ນຢ່າງບັງອາດ ແລະອື່ນໆ ເຊິ່ງມີປະມານ 6 ໝື່ນຕົວໜັງສື ແລະໄດ້ຍົກຕົວຢ່າງບັນຫາສິດທິມະນຸດຂອງອາເມລິກາຈາກດ້ານຕ່າງໆ.