ຕາມຂ່າວສານຊິນຮວາ: ອົງການສົ່ງອອກນ້ຳມັນເຊື້ອໄຟ ຫຼື ໂອເປັກ ແລະປະເທດຜະລິດນ້ຳມັນເຊື້ອໄຟທີ່ບໍ່ຂຶ້ນກັບອົງການດັ່ງກ່າວ ໄດ້ກ່າວຢ້ຳໃນກອງປະຊຸມພະລັງງານແຄມບຣິກທີ່ຈັດຂຶ້ນຢູ່ຮິວສ໌ຕັນເມື່ອວັນທີ 7 ມີນານີ້ວ່າ ຈະປະຕິບັດຕາມສັນຍາຫຼຸດປະລິມານການຜະລິດທີ່ເຊັນກັນໃນທ້າຍປີຜ່ານມາ ເພື່ອເຮັດໃຫ້ລາຄານ້ຳມັນເຊື້ອໄຟໂລກໝັ້ນທ່ຽງ, ຂະນະທີ່ທ່ານ ຄາລິດ ອັນ ຟາລິເຮິ ລັດຖະມົນຕີກະຊວງພະລັງງານອາຣັບບີຊາອຸດິດ ກ່າວວ່າ, ການຫຼຸດປະລິມານການຜະລິດກໍເພື່ອຕ້ອງການຄວາມພະຍາຍາມຮ່ວມຂອງໂອເປັກແລະປະເທດບໍ່ແມ່ນສະມາຊິກໂອເປັກ.
ທັງນີ້ ໂອເປັກແລະ 11 ປະເທດທີ່ບໍ່ແມ່ນສະມາຊິກໂອເປັກເຊັ່ນຣັດເຊຍເປັນຕົ້ນ ໄດ້ເຊັນສັນຍາຫຼຸດປະລິມານການຜະລິດໃນທ້າຍປີຜ່ານມາ ເຊິ່ງຕາມສັນຍາດັ່ງກ່າວ, ໂອເປັກຈະຫຼຸດປະລິມານການຜະລິດສະເລ່ຍ 1 ລ້ານ 2 ແສນບາເຣນ ຕໍ່ມື້ ແລະ 11 ປະເທດດັ່ງກ່າວຈະຫຼຸດ 5 ແສນ 5 ໝື່ນ 8 ພັນບາເຣນໃນ 6 ເດືອນຕົ້ນປີນີ້.