ຫວ່າງມໍ່ໆນີ້, ສູນນຳໃຊ້ດາວທຽມຊັບພະຍາກອນຈີນ ແລະ ອົງການວັດແທກແຫ່ງຊາດລາວ ໄດ້ເຊັນສັນຍາການນຳໃຊ້ຂໍ້ມູນຂອງດາວທຽມ ZY-3 ຈີນຢູ່ລາວ ໂດຍບໍລິສັດ space eye ລາວໄດ້ຮັບສິດ ແລະເປັນຜູ້ປະຕິບັດໂຄງການດ້ວຍການຮັບຜິດຊອບທັງການຮັບ, ຄຸ້ມຄອງ ແລະນຳໃຊ້ຂໍ້ມູນຂອງດາວທຽມດັ່ງກ່າວ.
ບໍລິສັດ space eye ລາວ ຈະສ້າງລະບົບຮັບແລະຄຸ້ມຄອງຂໍ້ມູນດັ່ງກ່າວຢູ່ຫ້ອງການຂອງອົງການວັດແທກແຫ່ງຊາດລາວ ເຊິ່ງເປັນຂີດໝາຍສະແດງໃຫ້ເຫັນວ່າ, ດາວທຽມ ZY-3 ຈະບໍລິການທັງພາກລັດ, ເອກະຊົນແລະປະຊາຊົນລາວຢ່າງເປັນທາງການ.
ການເປີດບໍລິການດາວທຽມ ZY-3 ໄດ້ສະແດງໃຫ້ເຫັນວ່າ: ລັດຖະບານຈີນ ໂດຍສະເພາະສູນນຳໃຊ້ດາວທຽມຈີນໄດ້ສະໜັບສະໜູນເຕັກນິກຂັ້ນສູງໃຫ້ແກ່ລັດຖະບານລາວ. ຂ່າວແຈ້ງວ່າ, ຂໍ້ມູນຂອງດາວທຽມດັ່ງກ່າວຈະນຳໃຊ້ຢູ່ທຸກໆຂະແໜງການຂອງລາວ ເຊັ່ນ: ວັດແທກແລະແຕ້ມແຜນທີ່, ກະສິກຳ, ປ່າໄມ້, ການຄຸ້ມຄອງທີ່ດິນແລະຊັບພະຍາກອນ, ການກໍ່ສ້າງພື້ນຖານໂຄງລ່າງ ແລະອື່ນໆ.
 |
