ກະຊວງການຕ່າງປະເທດອາເມລິກາຖະແຫຼງໃນວັນທີ 9 ມີນານີ້ວ່າ: ທ່ານເຣັກສ ທີວເລີຊັນ ລັດຖະມົນຕີກະຊວງການຕ່າງປະເທດອາເມລິກາຈະເປັນປະທານຈັດກອງປະຊຸມລັດຖະມົນຕີສະຫະພັນສາກົນຕໍ່ຕ້ານກຸ່ມISຢູ່ນະຄອນຫຼວງວໍຊິງຕັນໃນວັນທີ 22 ມີນານີ້ເພື່ອປຶກສາຫາລືແຜນດຳເນີນງານເລັ່ງຕໍ່ຕ້ານກຸ່ມIS.
ຖະແຫຼງການສະບັບໜຶ່ງຂອງກະຊວງການຕ່າງປະເທດອາເມລິກາລະບຸວ່າ: ລັດຖະມົນຕີກະຊວງການຕ່າງປະເທດແລະເຈົ້າໜ້າທີ່ອາວຸໂສຂອງບັນດາປະເທດສະມາຊິກາສະຫະພັນສາກົນຕໍ່ຕ້ານກຸ່ມISຈະເຂົ້າຮ່ວມກອງປະຊຸມດັ່ງກ່າວ ເຊິ່ງເປັນກອງປະຊຸມຄົບຄະນະເທື່ອທຳອິດຂອງສະຫະພັນດັ່ງກ່າວ.
ຖະແຫຼງການລະບຸວ່າ: ການເຄື່ອນໄຫວຕໍ່ຕ້ານກຸ່ມISໄດ້ເຂົ້າສູ່ໄລຍະສຳຄັນແລ້ວ ຜູ້ເຂົ້າຮ່ວມກອງປະຊຸມຈະຫາລືວຽກງານສຳຄັນຫຼາຍຢ່າງໃນບາດກ້າວຕໍ່ໄປຂອງສະຫະພັນສາກົນຢ່າງລະອຽດເປັນຕົ້ນການທະຫານ,ການທະນາຄານ, ການໂຄສະນາແລະອື່ນໆ.
ເຈົ້າໜ້າທີ່ອາເມລິກາຢືນຢັນໃນກ່ອນໜ້ານີ້ບໍ່ດົນວ່າ: ກຸ່ມISໄດ້ເສຍເຂດທີ່ໝັ້ນຂອງຕົນ 65% ຢູ່ອີຣັກແລະຊີຣີແລ້ວ, ສ່ວນໄຮເຕີ ອັນອາບັດ ຫົວໂປ່ຂອງກຸ່ມISອາດຈະໜີອອກຈາກເມືອງໂມຊົນປະເທດອີຣັກແລ້ວ.
 |
