ກິດຈະກຳ "ຂະບວນລົດຄາລາວານຮ້ອຍຄັນທ່ຽວໄທສະຫຼອງບຸນຫົດນ້ຳຢ່າງມີຄຸນນະພາບ2017"ໂດຍມີອົງການທ່ອງທ່ຽວແຫ່ງຊາດໄທເປັນເຈົ້າພາບໄດ້ຈັດຂຶ້ນຢູ່ເມືອງຄຸນໝິງ ແຂວງຢູນນານ ສປ ຈີນໃນວັນທີ 9 ມີນານີ້ໂດຍອົງການດັ່ງກ່າວຈະຈັດຂະບວນລົດຮ້ອຍກວ່າຄັນຢູ່ແຂວງຢູນນານເດີນທາງໄປທ່ຽວຊຽງໄໝ່ເພື່ອຮ່ວມສະຫຼອງບຸນຫົດນ້ຳໃນຕົ້ນເດືອນເມສາທີ່ຈະມາເຖິງ.
ທ່ານຫຼີສຽນຕຸ່ງ ພະນັກງານສຳນັກງານອົງການທ່ອງທ່ຽວແຫ່ງຊາດໄທປະຈຳຄຸນໝິງໃຫ້ຮູ້ວ່າ: ເນື່ອງໃນໂອກາດໄທ-ຈີນສ້າງສາຍພົວພັນທາງການທູດຄົບຮອບ 42 ປີ, ໄທຈັດກິດຈະກຳນີ້ກໍເປັນໂຄງການທ່ອງທ່ຽວສຳຄັນໃນປີ 2017 ຂອງປະເທດຕົນເຊັ່ນດຽວກັນ, ເຊິ່ງກິດຈະກຳເທື່ອນີ້ຈະດຳເນີນໄປເປັນເວລາ 8 ວັນ ແລະຂະບວນລົດຈະອອກເດີນທາງຈາກບໍ່ຫານແຂວງຢູນນານ ຜ່ານຫ້ວຍຊາຍ, ຊຽງລາຍ,ຊຽງແສນ, ບໍ່ເຕັນແລະອື່ນໆ, ສຸດທ້າຍຈະກັບຄືນສູ່ບໍ່ຫານແຂວງຢູນນານແລະຄາດວ່າກິດຈະກຳຄັ້ງນີ້ຈະສ້າງຄວາມປະທັບໃຈແລະຄວາມຊົງຈຳໃຫ້ແກ່ຜູ້ເຂົ້າຮ່ວມທັງໝົດໄດ້ເປັນຢ່າງດີ.