ການເຈລະຈາອັສທານາກ່ຽວກັບບັນຫາຊີຣີຮອບທີ 3 ຈະຈັດຂຶ້ນໃນວັນທີ 14 ມີນານີ້

ກະຊວງການຕ່າງປະເທດສາທາລະນະລັດກາຊັກສະຖານແຈ້ງຂ່າວວ່າ: ການເຈລະຈາອັສທານາກ່ຽວກັບບັນຫາຊີຣີຮອບທີ 3 ຈະຈັດຂຶ້ນຢູ່ນະຄອນຫຼວງອັສທານາປະເທດຕົນລະຫວ່າງວັນທີ 14-15 ມີນານີ້.
 ຕາມແຜນຂອງຝ່າຍເຈົ້າພາບຈະຈັດການປຶກສາຫາລືເບື້ອງຕົ້ນໃນວັນທີ 14 ມີນານີ້ຢູ່ນະຄອນຫຼວງອັສທານາ ແລະຈະຈັດກອງປະຊຸມຄົບຄະນະໃນວັນທີ 15 ໂດຍເຈົ້າໜ້າທີ່ຂັ້ນສູງຂອງຣັດເຊຍ, ຕວກກີແລະອີຣານຈະເຂົ້າຮ່ວມກອງປະຊຸມເທື່ອນີ້. ນອກນີ້, ສອງຝ່າຍດັ່ງກ່າວກໍໄດ້ສົ່ງຄຳເຊີນໄປໃຫ້ຜູ້ແທນຂອງອົງການສະຫະປະຊາຊາດ,ອາເມລິກາແລະຊອກດານີແລ້ວ, ສ່ວນຜູ້ຕາງໜ້າຂອງລັດຖະບານຊີຣີແລະຝ່າຍຕໍ່ຕ້ານລັດຖະບານາຊີຣີຍັງບໍ່ທັນໄດ້ໃຫ້ຄຳຕອບເທື່ອວ່າຈະເຂົ້າຮ່ວມການເຈລະຈາຫຼືບໍ່.

ພາຍໃຕ້ການເປັນປະທານຂອງສາທາລະນະລັດກາຊັກສະຖານ, ຣັດເຊຍ, ຕວກກີແລະອີຣານໄດ້ດຳເນີນການເຈລະຈາກ່ຽວກັບບັນຫາຊີຣີມາສອງຮອບແລ້ວຢູ່ອັສທານາ ແລະພາຍໃຕ້ຂອບການເຈລະຈາ, ສາມປະເທດດັ່ງກ່າວໄດ້ບັນລຸການເຊັນສັນຍາວ່າດ້ວຍການສ້າງຕັ້ງກົນໄກສາມຝ່າຍເພື່ອຈະຕິດຕາມກວດກາແລະຮັບປະກັນສັນຍາຢຸດຍິງຊີຣີໄດ້ຮັບການປະຕິບັດຢ່າງເຖິງຖອງແລະປ້ອງກັນບໍ່ໃຫ້ເກີດການກະທຳທີ່ເປັນການທ້າທາຍເກາະຜິດໃດໆທັງນັ້ນ.