ວັນທີ 9 ມີນານີ້, ຢູ່ເມືອງນານນິງເຂດກວາງຊີຈີນ, ກຸ່ມບໍລິສັດຈຳໜ່າຍຖ່ານຫີນທີ່ໃຫຍ່ທີ່ສຸດຂອງໄທ(BIC)ໄດ້ເຊັນສັນຍາການຮ່ວມມືຍຸດທະສາດກັບກຸ່ມບໍລິສັດວຽກງານທ່າກຳປັ່ນສາກົນອ່າວເປີຍປູ້ກວາງຊີຈີນ ໂດຍໄດ້ຕົກລົງຈະພ້ອມກັນສ້າງອ່າວເປີຍປູ້ເປັນສູນຈຳໜ່າຍຖ່ານຫີນສາຂາຢູ່ຈີນຂອງບໍລິສັດດັ່ງກ່າວ, ແລະຮ່ວມກັນບຸກເບີກຕະຫຼາດຖ່ານຫີນຂອງປະເທດອາຊຽນ.
ຕາມຄວາມມຸ່ງມາດປາຖະໜາຂອງສັນຍາຍຸດທະສາດ, ກຸ່ມບໍລິສັດທ່າກຳປັ່ນອ່າວເປີຍປູ້ກວາງຊີກັບບໍລິສັດ BIC ຂອງໄທຈະດຳເນີນການແລກປ່ຽນກ່ຽວກັບການພັດທະນາແລະການດຳເນີນງານຂອງທ່າກຳປັ່ນ, ຮ່ວມມືສ້າງສູນຖ່ານຫີນຢູ່ເມືອງຝາງເສີງກາງ,ດຳເນີນການປະສົມແລະຈຳໜ່າຍຖ່ານຫີນກໍຄືການບໍລິການອື່ນໆ,ຮ່ວມກັນພັດທະນາຂົງເຂດໃໝ່ຂອງການຮ່ວມມືດ້ານເສດຖະກິດສາກົນເພື່ອບໍລິການ "ໜຶ່ງແລວທາງໜຶ່ງເສັ້ນທາງ".