ພິທີມອບຮັບເຄື່ອງຊ່ວຍເຫຼືອທີ່ຈີນບໍລິຈາກໄດ້ຈັດຂຶ້ນຢູ່ກະຊວງການຕ່າງປະເທດກຳປູເຈຍໃນວັນທີ 9 ມີນານີ້. ທ່ານ ປຣັກ ສົກຄອນ ລັດຖະມົນຕີກະຊວງການຕ່າງປະເທດແລະການຮ່ວມມືສາກົນກຳປູເຈຍ, ທ່ານ ໂສງໂປ່ ເອກອັກຄະລັດຖະທູດຈີນປະຈຳກຳປູເຈຍແລະເຈົ້າໜ້າທີ່ການຕ່າງປະເທດແລະພາກສ່ວນກ່ຽວຂ້ອງທັງສອງປະເທດໄດ້ເຂົ້າຮ່ວມພິທີ.
ທ່ານ ໂສງໂປ່ ກ່າວວ່າ: ສາຍພົວພັນລະຫວ່າງຈີນ-ກຳປູເຈຍໄດ້ກາຍເປັນແບບຢ່າງລະຫວ່າງຊາດທີ່ປະຕິບັດຕໍ່ກັນຢ່າງສະເໝີພາບ,ຮ່ວມມືຢ່າງຈິງໃຈ ແລະ ຕ່າງຝ່າຍຕ່າງມີຜົນປະໂຫຍດ. ທ່ານຫວັງວ່າເຄື່ອງຊ່ວຍເຫຼືອທີ່ຈີນບໍລິຈາກນັ້ນສາມາດເສີມຂະຫຍາຍບົດບາດຢ່າງຕັ້ງໜ້າໃຫ້ແກ່ກະຊວງການຕ່າງປະເທດໃນການປັບປຸງວຽກງານຕ່າງໆ.
ທ່ານ ໂສງໂປ່ ຫວັງຢ່າງຍິ່ງວ່າທ່ານ ຮຸນແຊນ ນາຍົກລັດຖະມົນຕີກຳປູເຈຍຈະເດີນທາງໄປເຂົ້າຮ່ວມກອງປະຊຸມສຸດຍອດເວທີປຶກສາຫາລືການຮ່ວມມືສາກົນ"ໜຶ່ງແລວທາງໜຶ່ງເສັ້ນທາງ"ໃນເດືອນພຶດສະພາປີນີ້. ທ່ານກ່າວວ່າ: ສະຖານທູດຈີນປະຈຳກຳປູເຈຍຈະຮັກສາການຕິດຕໍ່ພົວພັນແລະການຮ່ວມມືຢ່າງແໜ້ນແຟ້ນກັບກະຊວງການຕ່າງປະເທດກຳປູເຈຍ, ພ້ອມກັນຈັດຕັ້ງປະຕິບັດຄວາມຮັບຮູ້ສຳຄັນທີ່ເປັນເອກະພາບລະຫວ່າງຜູ້ນຳຂອງສອງປະເທດຢ່າງຕັ້ງໜ້າແລະສັນຍາກ່ຽວກັບການເພີ່ມທະວີການຮ່ວມມືພາຍໃຕ້ສະຖານະການໃໝ່ລະຫວ່າງກະຊວງການຕ່າງປະເທດຂອງສອງປະເທດ,ເພື່ອປະກອບສ່ວນອັນໃໝ່ເຂົ້າໃນການຊຸກຍູ້ການຂະຫຍາຍສາຍພົວພັນລະຫວ່າງສອງຝ່າຍ.
 |
