ຄະນະກຳມາທິການສະຫະພາບເອີລົບອອກຖະແຫຼງການຢູ່ບຣຸກແຊນໃນວັນທີ 10 ມີນານີ້ວ່າ, ສະຫະພາບເອີລົບແລະອາຊຽນໄດ້ບັນລຸຂໍ້ຕົກລົງກ່ຽວກັບການເປີດການເຈລະຈາສັນຍາການຄ້າເສລີຄືນໃໝ່, ແລະສອງຝ່າຍຈະເລີ່ມກະກຽມວຽກງານທີ່ກ່ຽວຂ້ອງ.
ນອກນີ້ອິງຕາມຖະແຫຼງການຮ່ວມສະຫະພາບເອີລົບ-ອາຊຽນທີ່ສະຫະພາບເອີລົບປະກາດນັ້ນ, ສອງຝ່າຍຈະສືບຕໍ່ປຶກສາຫາລືກັນ, ເພື່ອສ້າງເອກະສານຂອບການເປີດການເຈລະຈາສັນຍາການຄ້າເສລີຄືນໃໝ່.
ສະຫະພາບເອີລົບແລະອາຊຽນໄດ້ເລີ່ມເຈລະຈາສັນຍາການຄ້າເສລີເມື່ອປີ 2007, ແຕ່ໄດ້ຢຸດຕິການເຈລະຈາດັ່ງກ່າວເມື່ອປີ 2009, ແລະປ່ຽນເປັນສະຫະພາບເອີລົບເຈລະຈາສັນຍາການຄ້າເສລີສອງຝ່າຍກັບປະເທດສະມາຊິກໃນອາຊຽນ.
ສະຖິຕິຂອງສະຫະພາບເອີລົບໄດ້ປະກາດວ່າ, ອາຊຽນແມ່ນຄູ່ການຄ້າໃຫຍ່ອັນດັບທີ 3 ຂອງຕົນ, ເຊິ່ງຖັດຈາກອາເມລິກາແລະຈີນ. ປີ 2016, ຍອດມູນຄ່າການຄ້າລະຫວ່າງສະຫະພາບເອີລົບກັບອາຊຽນໄດ້ບັນລຸເຖິງ 208 ຕື້ເອີໂລ.
 |
