ຫວ່າງກ່ອນນີ້ບໍ່ດົນ,ກະຊວງປ້ອງກັນປະເທດອາເມລິກາໄດ້ປະກາດ "ບົດລາຍງານສິດເສລີພາບດ້ານການເດີນເຮືອປີ2016",ໂດຍຕິຕຽນຈີນ"ຮ້ອງຂໍສິດທິທາງທະເລຫຼາຍເກີນໄປ" ຢູ່ທະເລຈີນໃຕ້, ກະທົບເຖິງ "ສິດເສລີພາບດ້ານການເດີນເຮືອຢູ່ທະເລຈີນໃຕ້". ເຊິ່ງຖ້ອຍຄວາມເກົ່າດັ່ງກ່າວເປັນການທ້າທາຍຕໍ່ອະທິປະໄຕແລະສິດທິທາງທະເລຂອງຈີນ. ມາດຕະຖານທີ່ຈີນກຳນົດຈຸດພື້ນຖານນ່ານທະເລສອດຄ່ອງກັບຂໍ້ກຳນົດທີ່ລະບຸໄວ້ໃນ"ສົນທິສັນຍາສະຫະປະຊາຊາດວ່າດ້ວຍກົດໝາຍທະເລ"; ບໍ່ວ່າໃນອະດີດ, ປັດຈຸບັນ ແລະອະນາຄົດ, ບໍ່ມີເຮືອຫຼືກຳປັ່ນໃດໆທີ່ປະຕິບັດຕາມກົດໝາຍທີ່ກ່ຽວຂ້ອງນັ້ນ, ຈະຖືກຈີນຈຳກັດຄວາມເສລີໃນການເດີນເຮືອຢູ່ເຂດທະເລຈີນໃຕ້.
ໃນຄວາມເປັນຈິງແລ້ວ, ຈີນບໍ່ພຽງແຕ່ບໍ່ໄດ້ກີດຂວາງຄວາມເສລີດ້ານການເດີນເຮືອຢ່າງຊອບດ້ວຍກົດໝາຍຂອງກຳປັ່ນໃດໆຂອງປະເທດໃດໆເທົ່ານັ້ນ, ແຕ່ຍັງໄດ້ໃຊ້ງົບປະມານຢ່າງຫຼວງຫຼາຍເພື່ອສ້າງຫໍປະພາຄານໃຫຍ່5ແຫ່ງຕາມເກາະດອນຕ່າງໆ. ຈີນບໍ່ພຽງແຕ່ບໍ່ໄດ້ກີດຂວາງຄວາມເສລີດ້ານການເດີນເຮືອເທົ່ານັ້ນ, ແຕ່ຍັງໄດ້ອຳນວຍເງື່ອນໄຂສະດວກຕາມຄວາມສາມາດຂອງຕົນໃຫ້ແກ່ຄວາມເສລີດ້ານການເດີນເຮືອ.
ນັບແຕ່ອາເມລິກາວາງແຜນ"ຄວາມເສລີດ້ານການເດີນເຮືອ"ໃນປີ1979ເປັນຕົ້ນມາ,ໃນຄວາມເປັນຈິງແລ້ວຫາກແມ່ນອາໄສກຳລັງອາວຸດທາງທະເລທີ່ເຂັ້ມແຂງຂອງເຂົາເພື່ອທ້າທາຍອະທິປະໄຕແລະຈຸດຢືນກ່ຽວກັບນ່ານທະເລຂອງປະເທດອື່ນ, "ຄວາມເສລີດ້ານການເດີນເຮືອ"ພຽງແຕ່ເປັນເຄື່ອງມືຂອງອາເມລິກາໃນການແຊກແຊງວຽກງານພາຍໃນຂອງປະເທດອື່ນເທົ່ານັ້ນ. ອາເມລິກາໃນຖານະເປັນປະເທດທີ່ຢູ່ນອກພາກພື້ນທະເລຈີນໃຕ້, ໄດ້ສົ່ງກຳປັ່ນຮົບໄປທ້າທາຍເກາະຜິດຢູ່ທະເລຈີນໃຕ້ຫຼາຍເທື່ອ,ໃນຄວາມເປັນຈິງແລ້ວໄດ້ກະທົບເຖິງຄວາມເສລີຂອງປະເທດພາຍໃນພາກພື້ນນີ້. ສະນັ້ນເວົ້າໃນດ້ານທາດແທ້ແລ້ວ, ຄວາມເສລີດ້ານການເດີນເຮືອຂອງອາເມລິກາມີລັກສະນະປັດເຂ່ຍຝ່າຍອື່ນ, ຖ້າປ່ຽນຊື່ເປັນຄວາມເສລີຝ່າຍດຽວຂອງອາເມລິກາອາດຈະເໝາະສົມກວ່າ.
ທະເລເປັນສະຖານທີ່ສາທາລະນະທີ່ມີເນື້ອທີ່ກວ້າງຂວາງກວ່າໝູ່ຢູ່ໜ້າໜ່ວຍໂລກ,ຄວາມເສລີດ້ານການເດີນເຮືອໄດ້ສ່ອງແສງເຖິງລັກສະນະດັ່ງກ່າວ. ແຕ່ວ່າ,ຄວາມເສລີດ້ານການເດີນເຮືອບໍ່ເທົ່າກັບຄວາມບັງອາດຈອງຫອງ.ຄຳທີ່ວ່າ"ຄວາມເສລີດ້ານການເດີນເຮືອ"ທີ່ສ້າງຂຶ້ນຢູ່ບົນພື້ນຖານທີ່ປະເທດອື່ນໄຮ້ຄວາມເສລີຫຼືໄຮ້ຄວາມປອດໄພນັ້ນ, ເປັນເລື່ອງທີ່ຍອມຮັບບໍ່ໄດ້.
 |
