ເຄືອຂ່າຍສະຖານີແຜ່ນດິນໄຫວຈີນແຈ້ງຫຼັງວັດແທກທາງການວ່າ: ເວລາ 20 ໂມງ 21 ນາທີຂອງວັນທີ 21 ມີນານີ້, ຢູ່ເມືອງນ້ອຍຫຼູຕ້ຽນເມືອງຈ່າວທົ່ງແຂວງຢຸນນານຂອງຈີນໄດ້ເກີດແຜ່ນດິນໄຫວຂະໜາດ 4,5 ລິກເຕີແລະຄວາມເລິກລົງໄປ 10 ກິໂລແມັດ.
ກອງດັບເພີງແຂວງຢຸນນານແຈ້ງຕໍ່ນັກຂ່າວຮູ້ວ່າ: ລົດນ້ອຍຄັນໜຶ່ງໄດ້ຄ້າງຢູ່ດິນພູທີ່ເຈື່ອນລົງມາແລະມາຮອດປັດຈຸບັນ,ກອງດັບເພີງຈ່າວທົ່ງແລະ ຫຼູຕ້ຽນໄດ້ສົ່ງລົດດັບເພີງ 2 ຄັນ ແລະ ທະຫານ 10 ຄົນໄປເຂດປະສົບໄພ. ຂະນະທີ່ກອງບັນຊາການທີ່ເວນຍາມປະຈຳແລະກອງພິເສດຂອງກອງດັບເພີງຈ່າວທົ່ງກຽມພ້ອມຈະເດີນທາງໄປເຂດປະສົບໄພດັ່ງກ່າວແລ້ວເຊັ່ນດຽວກັນ.
ຢູ່ໃນຂອບເຂດ 20 ກິໂລແມັດຂອງຈຸດໃຈກາງແຜ່ນດິນໄຫວຄັ້ງນີ້ມີປະຊາກອນປະມານ 85.000 ຄົນ, ຂອບເຂດ 50 ກິໂລແມັດມີປະຊາກອນປະມານ 7 ແສນ 7 ໝື່ນຄົນ ແລະ ໃນຂອບເຂດ 100 ກິໂລແມັດມີ ປະຊາກອນ 1 ລ້ານ 7 ແສນ 3 ໝື່ນຄົນອາໄສຢູ່. ຂະນະທີ່ຈຸດໃຈກາງມີຄວາມສູງສະເລ່ຍ 1749 ແມັດທຽບໃສ່ໜ້ານ້ຳທະເລໃນຂອບເຂດ 5 ກິໂລແມັດ.