ວັນທີ 12 ມີນານີ້, ທ່ານອັນໂຕນິໂອ ກູເທີເລສ ເລຂາທິການໃຫຍ່ອົງການສະຫະປະຊາຊາດໄດ້ອອກຖະແຫຼງການຜ່ານໂຄສົກຂອງຕົນ, ໂດຍໄດ້ກ່າວປະນາມການຫຼອນໂຈມຕີແບບກໍ່ການຮ້າຍສອງເທື່ອຢູ່ນະຄອນຫຼວງດາມັສປະເທດຊີຣີໃນວັນທີ 11 ມີນາ, ທັງໄດ້ເນັ້ນວ່າຕ້ອງສືບສວນເພື່ອຫາຄວາມຮັບຜິດຊອບຈາກຜູ້ໂຈມຕີ.
ຂ່າວແຈ້ງວ່າ, ລົດໂດຍສານສອງຄັນທີ່ບັນທຸກຊາວມຸສລິມນິກາຍຊິອະຂອງອີຣັກໄດ້ຖືກໂຈມຕີດ້ວຍລູກລະເບີດຢູ່ນະຄອນຫຼວງດາມັສໃນວັນທີ 11 ມີນານີ້, ເຮັດໃຫ້ເສຍຊີວິດຫຼາຍສິບຄົນ.
ໃນມື້ດຽວກັນ, ກະຊວງການຕ່າງປະເທດຊີຣີໄດ້ສົ່ງຈົດໝາຍເຖິງເລຂາທິການໃຫຍ່ອົງການສະຫະປະຊາຊາດແລະປະທານສະພາຄວາມໝັ້ນຄົງ, ໂດຍຮຽກຮ້ອງໃຫ້ອົງການສະຫະປະຊາຊາດກ່າວປະນາມການຫຼອນໂຈມຕີດັ່ງກ່າວທັງນີ້. ໃນຈົດໝາຍດັ່ງກ່າວລະບຸວ່າ, ກະຊວງການຕ່າງປະເທດຊີຣີໄດ້ແຈ້ງ, ການໂຈມຕີລະເບີດສອງເທື່ອດັ່ງກ່າວກໍເພື່ອແກ້ແຄ້ນກອງທັບຊີຣີທັງໄດ້ຮັບໄຊຊະນະໃນການຕໍ່ຕ້ານອົງການຫົວຮຸນແຮງຢູ່ຫຼາຍຈຸດຫວ່າງມໍ່ໆມານີ້, ຂະນະດຽວກັນກໍສະແດງໃຫ້ເຫັນວ່າອິດທິກຳລັງກໍ່ການຮ້າຍຢູ່ຊີຣີຄືການຄັດຄ້ານຂະບວນການສາມັກຄີກັນ.
 |
