ວັນທີ 12 ມີນານີ້, ທ່ານກົ່ວຮວາດົ່ງ ສະມາຊິກສະພາປຶກສາການເມືອງປະຊາຊົນແຫ່ງຊາດ, ສະມາຊິກສະຖາບັນວິທະຍາສາດແຫ່ງຊາດຈີນກ່າວຢູ່ນະຄອນຫຼວງປັກກິ່ງວ່າ: ແຜນການວິທະຍາສາດສາກົນ "ດີຈີຕອນໜຶ່ງແລວທາງໜຶ່ງເສັ້ນທາງ" ໄດ້ກຳນົດຂອບ ແລະເລີ່ມໃຊ້ຂໍ້ມູນສ່ວນຕົວນຳກັນ.
"ດີຈີຕອນໜຶ່ງແລວທາງໜຶ່ງເສັ້ນທາງ" ໄດ້ລິເລີ່ມຂຶ້ນໂດຍນັກວິທະຍາສາດຈີນ ເພື່ອຊຸກຍູ້ການຮ່ວມມືລະຫວ່າງປະເທດ ແລະເຂດແຄວ້ນທີ່ຢູ່ລຽບຕາມ "ໜຶ່ງແລວທາງໜຶ່ງເສັ້ນທາງ" ທັງດ້ານວິທະຍາສາດໜ່ວຍໂລກ, ຂໍ້ມູນ ແລະຂົງເຂດການນຳໃຊ້ ເຊິ່ງໄດ້ແບ່ງອອກເປັນ 7 ໜ່ວຍງານ ຄື: ໜ່ວຍງານຂໍ້ມູນໃຫຍ່ດ້ານໜ່ວຍໂລກ, ການປ່ຽນແປງສິ່ງແວດລ້ອມ, ໄພພິບັດທຳມະຊາດ, ມໍລະດົກໂລກ, ຊັບພະຍາກອນນ້ຳ, ຄວາມປອດໄພຂອງກະສິກຳ ແລະທັນຍາຫານ, ທະເລແລະແລວທາງຝັ່ງທະເລ.