ຕາມຂ່າວສານຊິນຮວາ:ສະຖິຕິທີ່ບໍລິສັດ M.Video ແລະ Euroset ທີ່ຂາຍຜະລິດຕະພັນເອເລັກໂຕຣນິກລາຍຍ່ອຍຂອງປະເທດຣັດເຊຍເປີດເຜີຍຫວ່າງມໍ່ໆນີ້ວ່າ,ເດືອນມັງກອນປີນີ້,ຍອດການຈຳໜ່າຍສະມາດໂຟນທີ່ຈີນຜະລິດໄດ້ກວມຕະຫຼາດຣັດເຊຍ 24%, ຂະນະທີ່ມູນຄ່າການຈຳ ໜ່າຍກໍກວມ 19%.
ສະຖິຕິດັ່ງກ່າວສະແດງໃຫ້ເຫັນວ່າ,ເມື່ອທຽບໃສ່ຍອດການຈຳໜ່າຍ 19% ແລະມູນຄ່າການຈຳໜ່າຍ 13%ໃນໄລຍະດຽວກັນຂອງປີຜ່ານມານັ້ນ,ຜົນການຈຳໜ່າຍສະມາດໂຟນຈີນຢູ່ຣັດເຊຍໃນໜຶ່ງປີຜ່ານມາມີຄວາມກ້າວໜ້າຢ່າງພົ້ນເດັ່ນໂດຍຍອດການຈຳໜ່າຍໃນເດືອນມັງກອນໄດ້ລື່ນໂທລະສັບມືຖືຊຳຊຸງຂອງສ.ເກົາຫຼີແລະທີ່ສຳຄັນ,ເລໂນໂວ,ຫົວເວີຍ,ເມຊູ,ມີແລະຈົ່ງຊິງໄດ້ກາຍເປັນ 5 ຍີ່ຫໍ້ຂອງຈີນທີ່ນຳໜ້າຍອດການຈຳໜ່າຍຢູ່ຣັດເຊຍ.