ສື່ມວນຊົນ ສ.ເກົາຫຼີ ລາຍງານໃນວັນທີ 13 ມີນານີ້ວ່າ ປະເທດຕົນອາດຈະຈັດການເລືອກຕັ້ງປະທານາທິບໍດີຊຸດໃໝ່ໃນວັນທີ 9 ພຶດສະພາປີນີ້.
ການເລືອກຕັ້ງປະທານາທິບໍດີ ສ.ເກົາຫຼີ ໃນເວລາດັ່ງກ່າວເປັນຜົນມາຈາກສານລັດຖະທຳມະນູນ ສ.ເກົາຫຼີ ໄດ້ມີມະຕິຖອດຖອນທ່ານນາງປັກກຸນເຮ ປະທານາທິບໍດີໃນວັນທີ 10 ມີນານີ້ ແລະ ອີງຕາມການກຳນົດທີ່ກ່ຽວຂ້ອງ, ສ.ເກົາຫຼີຈະຕ້ອງດຳເນີນການເລືອກຕັ້ງປະທານາທິບໍດີຊຸດໃໝ່ພາຍໃນເວລາ 60 ວັນ ທັງຕ້ອງປະກາດວັນເວລາຢ່າງລະອຽດກ່ອນຈະດຳເນີນການເລືອກຕັ້ງ 50 ວັນ. ຈາກນີ້ຈຶ່ງຄາດວ່າ, ການເລືອກຕັ້ງຈະຕ້ອງໄດ້ຈັດຂຶ້ນ ລະຫວ່າງທ້າຍເດືອນເມສາຫາກາງເດືອນພຶດສະພາປີນີ້.
ອົງການສຳຫຼວດຄວາມເຫັນປະຊາຊົນຂອງ ສ.ເກົາຫຼີ ໄດ້ປະກາດຜົນການສຳຫຼວດໃນວັນທີ 12 ມີນານີ້ ໂດຍຊີ້ໃຫ້ເຫັນວ່າ ໃນຈຳນວນບຸກຄົນທີ່ອາດຈະສະໝັກຮັບເລືອກຕັ້ງປະທານາທິບໍດີນັ້ນ, ທ່ານມຸນເຈອິນ ອະດີດປະທານພັກມິນຈູ ພັກຝ່າຍຄ້ານທີ່ໃຫຍ່ກວ່າໝູ່ ໄດ້ຮັບການສະໜັບສະໜູນຈາກປະຊາຊົນ 29,9% ເຊິ່ງນຳໜ້າຄູ່ແຂ່ງຫຼາຍສົມຄວນ.