ທ່ານອຶງກາຕິງ ທູດພິເສດຂອງນາຍົກລັດຖະມົນຕີມາເລເຊຍ ກ່າວໃນໂອກາດເດີນທາງທັດສະນະສຶກສາເຂດນິຄົມອຸດສາຫະກຳຊິ່ນໂຈ່ວຈີນ-ມາເລເຊຍໃນວັນທີ 13 ມີນານີ້ວ່າ ຈີນເປັນຕະຫຼາດທີ່ກວ້າງໃຫຍ່ ເຊິ່ງມາເລເຊຍແລະຈີນລ້ວນແຕ່ສາມາດສະແຫວງຫາການຮ່ວມມືໃນຂົງເຂດທີ່ກວ້າງກວ່າເກົ່າ.
ທ່ານອຶງກາຕິງ ກ່າວວ່າ: ຈີນເປັນຕະຫຼາດທີ່ກວ້າງໃຫຍ່ ເຊິ່ງວິສາຫະກິດປະເທດຕົນຈະສາມາດເຈາະຕະຫຼາດຈີນໃນການປຸງແຕ່ງອາຫານມຸສລິມ, ການຜະລິດຜະລິດຕະພັນຕົ້ນປາມ ແລະ ຢາງພາລາເປັນຕົ້ນ. ການທີ່ຈະເລັ່ງປະດິດສ້າງໃໝ່ຕໍ່ອຸດສາຫະກຳເກົ່າ ແລະ ພັດທະນາອຸດສາຫະກຳເຕັກນິກກ້າວໜ້າທັນສະໄໝແນວໃດ ແລະອື່ນໆ ນັ້ນ ແມ່ນທິດທາງທີ່ປະເທດຕົນຫວັງຈະຮ່ວມມືກັບຈີນ.
ທັງນີ້, ເຂດນິຄົມອຸດສາຫະກຳຊິ່ນໂຈ່ວຈີນ-ມາເລເຊຍ ແລະເຂດນິຄົມອຸດສາຫະກຳກວນຕານມາເລເຊຍ-ຈີນ ທີ່ລັດຖະບານຈີນແລະມາເລເຊຍຮ່ວມສົ່ງເສີມສ້າງຂຶ້ນນັ້ນ ແມ່ນຮູບແບບການຮ່ວມມືອຸດສາຫະກຳໃນສາກົນແບບໃໝ່ ໂດຍໄດ້ສ້າງກົນໄກຮ່ວມການດຶງດູດການລົງທຶນ "ສອງປະເທດສອງເຂດນິຄົມ" ແລະມາຮອດເດືອນມີນານີ້, ເຂດນິຄົມອຸດສາຫະກຳຊິ່ນໂຈ່ວ ຈີນ-ມາເລເຊຍ ໄດ້ສຳເລັດການກໍ່ສ້າງແລ້ວ 89 ໂຄງການ ໂດຍມີຍອດການລົງທຶນປະມານ 7 ຕື້ 800 ລ້ານໂດລາສະຫະລັດ.
