ສື່ມວນຊົນເອຢິບລາຍງານວ່າ, ເຈົ້າໜ້າທີ່ໄອຍະການເຂດເລີແກເອຢິບ ໄດ້ສັ່ງປ່ອຍທ່ານມູຮາເມັດ ໂຮສນີ ມູບາຣັກ ອະດີດປະທານາທິບໍດີ ໃນວັນທີ 13 ມີນານີ້ ຫຼັງຕິດຄຸກມາເປັນເວລາ 3 ປີ ທັງໄດ້ຖືກກັກໃນໄລຍະປະກັນແລະລໍຖ້າການພິພາກສາ.
ທ່ານມູບາຣັກ ທີ່ປັດຈຸບັນອາຍຸ 89 ປີ ພວມໄດ້ຮັບໂທດຢູ່ໂຮງໝໍທະຫານແຫ່ງໜຶ່ງທີ່ເລີແກ. ຂະນະທີ່ທ່ານຟາຣິດ ແອ ດິບ ທະນາຍຄວາມຂອງທ່ານ ໄດ້ໃຫ້ສຳພາດຕໍ່ນັກຂ່າວວ່າ: ຖ້າສຸຂະພາບດີ, ທ່ານມູບາຣັກ ຈະກັບເມືອພັກຢູ່ເຮືອນຂອງຕົນໄດ້ທຸກເວລາ, ແຕ່ເນື່ອງຈາກຍັງມີການສືບສວນຕໍ່ຄະດີທີ່ກ່ຽວຂ້ອງ ຈຶ່ງຖືກຫ້າມບໍ່ໃຫ້ອອກນອກປະເທດ.
ທັງນີ້ ເມື່ອເດືອນພຶດສະພາປີ 2014, ທ່ານມູບາຣັກ ໄດ້ຖືກຕັດສິນຕິດຄຸກ 3 ປີໃນຂໍ້ຫາຍັກຍອກເງິນຫຼວງ.
