ຕາມຂ່າວຈາກ CRI:ທ່ານນາງຮວ້າຊຸ່ນຢິງ ໂຄສົກກະຊວງການຕ່າງປະເທດຈີນກ່າວຢູ່ນະຄອນຫຼວງປັກກິ່ງເມື່ອວັນທີ 13 ມີນານີ້ວ່າ,ທ່ານຢິ່ນເຫິງໝິນ ຜູ້ຕາງໜ້າພິເສດວຽກງານອາເມລິກາລາຕິນຂອງລັດຖະບານຈີນຈະນຳພາຄະນະເຂົ້າຮ່ວມກອງປະຊຸມສົນທະນາຂັ້ນສູງການເຊື່ອມໂຍງເສດຖະກິດພາກພື້ນອາຊີປາຊິຟິກ.ແຕ່ຂະນະດຽວກັນ,ທ່ານໄດ້ເນັ້ນວ່າກອງປະຊຸມເທື່ອນີ້ບໍ່ແມ່ນກອງປະຊຸມ TPP ຕາມທີ່ບາງສື່ລາຍງານ.
ກ່ອນໜ້ານີ້ມີສື່ລາຍງານວ່າ,ຈີນຈະເຂົ້າຮ່ວມກອງປະຊຸມສະມາຊິກ TPP ທີ່ຈັດຂຶ້ນຢູ່ຈີເລທັງໄດ້ວິເຄາະວ່ານີ້ແມ່ນສັນຍານໜຶ່ງທີ່ຈີນຈະເຂົ້າຮ່ວມ TPP ຫຼືບໍ່.
ທ່ານນາງຮວ້າຊຸ່ນຢິງກ່າວວ່າ,ໂຄສົກກະຊວງການຕ່າງປະເທດຈີນໄດ້ເນັ້ນຈຸດຢືນຂອງປະເທດຕົນກ່ຽວກັບບັນຫາ TPP ມາຫຼາຍເທື່ອແລ້ວແລະຊີ້ວ່າຈີນມີທ່າທີຕັ້ງໜ້າແລະເປີດປະຕູໃນດ້ານຫຼັກການຕໍ່ການຈັດສັນທາງການຄ້າທີ່ມີຜົນດີຕໍ່ການຊຸກຍູ້ການເຊື່ອມໂຍງເສດຖະກິດອາຊີປາຊິຟິກແລະຊຸກຍູ້ເສລີພາບແລະຄວາມສະດວກຂອງການຄ້າແລະການລົງທຶນຂອງພາກພື້ນ.ຂະນະດຽວກັນ,ຈີນກໍ່ເຫັນວ່າການຈັດສັນທາງການຄ້າຢ່າງເສລີທີ່ກ່ຽວຂ້ອງຄວນຊ່ວຍຊູຍູ້ໜູນກັນຫາກ ບໍ່ຄວນເອົາການຈັດສັນທາງເສດຖະກິດການຄ້າຫັນມາເປັນບັນຫາການເມືອງ.