ຕາມຂ່າວສານຈີນ:ວັນທີ 13 ມີນານີ້ຢູ່ກະຊວງສາທາລະນະສຸກຟິລິບປິນ,ທ່ານຈິນຢວນ ທີ່ປຶກສາທາງການຄ້າສະຖານທູດຈີນປະຈຳຟິລິບປິນແລະຜູ້ຊ່ວຍລັດຖະມົນຕີກະຊວງສາທາລະນະສຸກຟິລິບປິນໄດ້ເຊັນບົດບັນທຶກກ່ຽວກັບການເຈລະຈາການສຶກສາຄວາມອາດເປັນໄປໄດ້ໃນການທີ່ຈີນຈະຊ່ວຍສ້າງສູນບຳບັດຢາເສບຕິດໃຫ້ແກ່ຟິລິບປິນ.
ທ່ານຈິນຢວນກ່າວວ່າ,ການເຊັນບົດບັນທຶກດັ່ງກ່າວເປັນການສະແດງໃຫ້ເຫັນເຖິງຜົນການຮ່ວມມືຈີນ-ຟິລິບປິນແລະຫວັງວ່າສອງຝ່າຍຈະສືບຕໍ່ຮ່ວມມືກັນເຮັດໃຫ້ໂຄງການໄດ້ຮັບການລົງມືກໍ່ສ້າງພາຍໃນປີນີ້.
ທັງນີ້,ຈີນຈະສ້າງສູນປິ່ນປົວບຳບັດຢາເສບຕິດແລະຟື້ນຟູສຸຂະພາບຢູ່ແຂວງອາກຸຊັນໃຕ້ແລະແຂວງຊາຣານການີເທິງເກາະມິນດານາວພາກໃຕ້ປະເທດດັ່ງກ່າວແລະຟິລິບປິນໄດ້ສະໜອງແຜນການກໍ່ສ້າງທີ່ກ່ຽວຂ້ອງເພື່ອສຶກສາຄົ້ນຄວ້າແລ້ວ.