ຕາມຂ່າວສານຊິນຮວາ: ທ່ານນາງຊູຊັນ ທອນຕັນ ວ່າທີຜູ້ຊ່ວຍລັດຖະມົນຕີກະຊວງການຕ່າງປະເທດອາເມລິກາກ່າວໃນວັນທີ 13 ມີນານີ້ວ່າ, ອາເມລິກາສະແຫວງຫາການສ້າງ "ສາຍພົວພັນຢ່າງສ້າງສັນໂດຍເນັ້ນຜົນປະໂຫຍດ" ກັບຈີນ.
ທ່ານນາງທອນຕັນກ່າວໃນພິທີຖະແຫຼງຂ່າວທີ່ຈັດຂຶ້ນໃນມື້ດຽວກັນວ່າ, ທ່ານເຣກສ໌ ຕີເລີຊັນ ລັດຖະມົນຕີກະຊວງການຕ່າງປະເທດອາເມລິກາທີ່ຈະເດີນທາງຢ້ຽມຢາມຈີນ ຈະເຈລະຈາກັບຜູ້ແທນຈີນກ່ຽວກັບສິ່ງທ້າທາຍ ແລະໂອກາດການຮ່ວມມື ເຊິ່ງຈຸດສຸມໃນການຢ້ຽມຢາມຄັ້ງນີ້ແມ່ນສະແຫວງຫາການສ້າງ "ສາຍພົວພັນຢ່າງສ້າງສັນໂດຍເນັ້ນຜົນປະໂຫຍດ" ລະຫວ່າງສອງປະເທດອາເມລິກາກັບຈີນ.
ໃນຖະແຫຼງການສະບັບໜຶ່ງຂອງກະຊວງການຕ່າງປະເທດອາເມລິກາທີ່ເປີດເຜີຍຫວ່າງແລ້ວນີ້ລະບຸວ່າ, ທ່ານຕີເລີຊັນຈະເດີນທາງຢ້ຽມຢາມຍີ່ປຸ່ນໃນວັນທີ 15 ມີນາ, ຢ້ຽມຢາມ ສ.ເກົາຫຼີໃນວັນທີ 17 ແລະຢ້ຽມຢາມຈີນໃນວັນທີ 18 ມີນານີ້.