ຕາມຂ່າວCRI: ກະຊວງການຕ່າງປະເທດຈີນໄດ້ໃຫ້ຮູ້ໃນວັນທີ 14 ມີນານີ້ວ່າ: ທ່ານ ຫວ່າງຢາງ ຮອງນາຍົກລັດຖະມົນຕີຈີນຈະຢ້ຽມຢາມຟີລິບປິນຢ່າງເປັນທາງການແຕ່ວັນທີ 16 ຫາວັນທີ 19 ມີນານີ້ ແລະ ໃນໄລຍະດັ່ງກ່າວ, ທ່ານຈະພົບປະກັບທ່ານ ໂຣດຣີໂກ ດູເຕີເຕ ປະທານາທິບໍດີຟີລິບປິນ. ຂະນະທີ່ໃນມື້ດັ່ງກ່າວ, ທ່ານນາງ ຮວ້າຊຸ່ນຢີງ ໂຄສົກກະຊວງການຕ່າງປະເທດຈີນກໍກ່າວໂດຍເຊື່ອວ່າການຢ້ຽມຢາມຄັ້ງນີ້ຈະຊຸກຍູ້ການພົວພັນຮ່ວມມືຍຸດທະສາດເພື່ອສັນຕິພາບແລະການພັດທະນາລະຫວ່າງຈີນ-ຟີລິບປິນໃຫ້ກ້າວຂຶ້ນສູ່ລະດັບໃໝ່ຕື່ມອີກ.
ຕາມຂ່າວແຈ້ງວ່າ, ໃນໄລຍະຢ້ຽມຢາມຟີລິບປິນ, ທ່ານ ຫວ່າງຢາງ ຈະພົບປະກັບທ່ານ ໂຣດຣີໂກ ດູເຕີເຕ ປະທານາທິບໍດີຟີລິບປິນ ແລະຮ່ວມກອງປະຊຸມກັບຄະນະບໍລິຫານງານເສດຖະກິດຂອງລັດຖະບານຟີລິບປິນ ພ້ອມທັງເຂົ້າຮ່ວມພິທີໄຂ "ປີແຫ່ງການຮ່ວມມືດ້ານການທ່ອງທ່ຽວລະຫວ່າງຈີນ-ອາຊຽນ" ແລະ ກອງປະຊຸມເວທີປຶກສາຫາລືເສດຖະກິດການຄ້າຈີນ-ຟີລິບປິນຕື່ມອີກ.