ຕາມຂ່າວສານຊິນຮວາ:ການເຈລະຈາຂັ້ນສູງບັນຫາຊີລີຮອບທີ 3 ໄດ້ຈັດຂຶ້ນຢູ່ອັດສຕານາເມື່ອວັນທີ 14 ມີນານີ້ເຊິ່ງເນື້ອໃນຕົ້ນໄດ້ເນັ້ນສະພາບການປະຕິບັດສັນຍາຢຸດຍິງແລະການແລກປ່ຽນຊະເລີຍເສິກເຫຼົ່ານີ້ເປັນຕົ້ນ,ແຕ່ກຸ່ມປະກອບອາວຸດຝ່າຍຄ້ານຊີລີປະຕິເສດບໍ່ເຂົ້າຮ່ວມເຈລະຈາໂດຍອ້າງວ່າສັນຍາຢຸດຍິງບໍ່ໄດ້ຮັບການເຄົາລົບແລະກອງທັບອາກາດຣັດເຊຍກໍໄດ້ຖະຫຼົ່ມທີ່ໝັ້ນຂອງຕົນ.
ທ່ານອາເລັກຊັນເດີ ລັບເຣນຕິເອັບ ຫົວໜ້າຄະນະຣັດເຊຍທີ່ພວມເຂົ້າຮ່ວມການເຈລະຈາບັນຫາຊີລີຢູ່ອັດສຕານາປະເທດກາຊັກສະຖານໄດ້ກ່າວຕໍ່ສື່ເມື່ອວັນທີ 14 ມີນານີ້ວ່າ,ຕົນສະແດງຄວາມເສຍໃຈທີ່ກຸ່ມປະກອບອາວຸດຝ່າຍຄ້ານຊີລີປະຕິເສດບໍ່ເຂົ້າຮ່ວມເຈລະຈາບັນຫາຊີລີຮອບທີ 3 ແລະເຫັນວ່າຝ່າຍຄ້ານຊີລີສ້າງຂໍ້ອ້າງເພື່ອປະຕິເສດບໍ່ເຂົ້າຮ່ວມການເຈລະຈາ.ແນວໃດກໍດີ,ຣັດເຊຍເຫັນວ່າ,ປັດຈຸບັນ ສະຖານະການອັນເຄັ່ງຕຶງຢູ່ຊີລີໄດ້ຜ່ອນຄາຍລົງແລ້ວເຖິງວ່າບາງຄັ້ງຍັງມີການກະທຳທີ່ທ້າທາຍເກາະຜິດກໍຕາມ,ແຕ່ທັງນີ້ບໍ່ໝາຍຄວາມວ່າຄວນຍົກເລີກການເຈລະຈາ.