ທະເລຊາຍປ່າຕ່ານຈີລິນທີ່ມີຊື່ສຽງຍ້ອນຄວາມເລິກລັບແລະກວ້າງໃຫຍ່ໄພສານຕັ້ງຢູ່ເມືອງອາລາຊ້ານ ເຂດປົກຄອງຕົນເອງມົງໂກລີໃນ ສປ ຈີນ ກວມເອົາເນື້ອທີ່ 44.000 ກິໂລຕາແມັດ ແລະເປັນທະເລຊາຍໃຫຍ່ອັນດັບ 3 ຂອງຈີນ.
ທະເລຊາຍປ່າຕ່ານຈີລິນມີຫຼາຍສິ່ງທີ່ມະຫັດສະຈັນເໝືອນດັ່ງໄດ້ບັນດານໃຫ້ເກີດມີສິ່ງທີ່ມີຊີວິດ ເຊິ່ງແຕກຕ່າງຈາກທະເລຊາຍແຫ່ງອື່ນໆບໍ່ວ່າຈະເປັນດິນຊາຍເຫຼືອງທີ່ເປັນຜືນແຜ່ນອັນກວ້າງຂວາງ ແລະໜອງບຶງນ້ອຍໃຫຍ່ກະຈາຍຕາມທະເລຊາຍລວມທັງການມີສີຂຽວປົກຄຸມອີກຕ່າງຫາກ, ສ່ວນຢູ່ດ້ານໜຶ່ງຂອງໂນນຊາຍກໍບໍ່ມີລົມພັດຜ່ານ,ຂະນະທີ່ຢູ່ແຄມໜອງ,ແຄມບໍ່ນ້ຳພັດມີສັດແລະພືດນານາຊະນິດຄົງຕົວຢູ່.