ຄະນະກຳມະການຄັງສຳຮອງສະຫະລັດອາເມລິກາ ຫຼື FED ໄດ້ປະກາດປັບອັດຕາດອກເບ້ຍຂຶ້ນ 25 ຈຸດ ຄື ເພີ່ມຈາກ 0,5% ເປັນ 0,75%-1% ໃນວັນທີ 15 ມີນານີ້ ເຊິ່ງເປັນການປັບຂຶ້ນດອກເບ້ຍຄັ້ງທີ 3 ນັບແຕ່ເກິດວິກິດການທາງການເງິນເມື່ອປີ 2008 ເປັນຕົ້ນມາ ແລະ ກໍສອດຄ່ອງກັບຄວາມຄາດຄະເນທົ່ວໄປ.
FED ໄດ້ອອກຖະແຫຼງການຫຼັງສຳເລັດກອງປະຊຸມນະໂຍບາຍເງິນຕາສະໄໝສາມັນໃນວັນດັ່ງກ່າວວ່າ: ໃນຫຼາຍໄຕມາດຜ່ານມາ, ລະດັບເງິນເຟີ້ຂອງປະເທດຕົນໄດ້ເພີ່ມຂຶ້ນເປັນກ້າວໆ ແລະເຂົ້າໃກ້ເຖິງ 2% ທີ່ເປັນເປົ້າໝາຍໄລຍະຍາວຂອງ FED ແລ້ວ, ແຕ່ເມື່ອຫັກລາຄາພະລັງງານແລະອາຫານທີ່ເໜັງຕີງຂຶ້ນລົງອ່າວໃຫຍ່ແລ້ວ, ອັດຕາເງິນເຟີ້ກໍຍັງຢູ່ໃນລະດັບຕ່ຳກວ່າເປົ້າໝາຍ.
FED ຍັງຄາດຄະເນວ່າ, ເມື່ອຮອດທ້າຍປີນີ້, ອັດຕາດອກເບ້ຍລະດັບກາງຈະເພີ່ມຂຶ້ນເປັນ 1,4% ໝາຍຄວາມວ່າ ຫຼັງປັບຂຶ້ນດອກເບ້ຍເທື່ອນີ້ແລ້ວ ອາດຈະປັບຂຶ້ນອີກ 2 ເທື່ອໃນປີນີ້.