ອົງການຊັບສິນທາງປັນຍາໂລກທີ່ມີສຳນັກງານໃຫຍ່ຕັ້ງຢູ່ເຊີແນວ ໄດ້ຢືນຢັນຜົນງານທີ່ຈີນໄດ້ຮັບດ້ານຊັບສິນທາງປັນຍາຢ່າງເຕັມສ່ວນໃນວັນທີ 15 ມີນານີ້.
ທັງນີ້, ທ່ານຟຣັງຊິສ ກູຣູ ຜູ້ອຳນວຍການໃຫຍ່ອົງການຊັບສິນທາງປັນຍາໂລກ ໄດ້ກ່າວໃນພິທີຖະແຫຼງຂ່າວຢູ່ວັງນານາຊາດນະຄອນເຊີແນວໃນວັນດັ່ງກ່າວວ່າ: "ຈີນໄດ້ຮັບຜົນດີທີ່ບໍ່ທຳມະດາ ໂດຍການຮ້ອງຂໍສິດທິບັດສາກົນຂອງຈີນໄດ້ເພີ່ມຂຶ້ນ 44% ພາຍໃນເວລາໜຶ່ງປີ."
ຂະນະດຽວກັນ, ທ່ານກູຣີ ຍັງໄດ້ຢືນຢັນຢ່າງເຕັມສ່ວນຕໍ່ການຈົດທະບຽນຍີ່ຫໍ້ສາກົນຂອງຈີນ ໂດຍໃນປີ 2016 ໄດ້ເປັນອັນດັບ 4 ຂອງໂລກ.
ທ່ານກູຣີ ກ່າວຕື່ມວ່າ: ຜົນງານດ້ານຊັບສິນທາງປັນຍາຂອງຈີນໄດ້ເປັນທີ່ປະຈັກຕາຕໍ່ຄົນທັງຫຼາຍ ໂດຍໄດ້ຄືບໜ້າຢ່າງໃຫຍ່ຫຼວງໃນຂະບວນວິວັດທະນາການຈາກ "ຈີນຜະລິດ" ພັດທະນາໄປສູ່ "ຈີນປະດິດສ້າງໃໝ່".
