ຕາມຂ່າວສານຊິນຮວາ:ອຳນາດການປົກຄອງເມືອງຈິງຫົງ(ຊຽງຮຸ່ງ)ກິ່ງແຂວງສິບສອງພັ່ນນາແຂວງຢຸນນານຈີນໃຫ້ຮູ້ວ່າ,ປັດຈຸບັນເມືອງຂອງຕົນພວມວາງແຜນສ້າງເສັ້ນທາງເມືອງຫຼົງ-ບ້ານດົງແລະຫຼັງສຳເລັດການກໍ່ສ້າງ,ເສັ້ນທາງດັ່ງກ່າວຈະຜ່ານມຽນມາໂດຍກົງເຂົ້າສູ່ປະເທດໄທເຊິ່ງຈະເຮັດໃຫ້ໄລຍະທາງບົກລະຫວ່າງຈີນ-ໄທສັ້ນເຂົ້າເຖິງ 190ກິໂລແມັດ.
ທ່ານເຫຼິຍຈູ້ໜິ່ງ ນັກວິຊາການສະຖາບັນວິທະຍາສາດສັງຄົມແຂວງຢຸນນານກ່າວວ່າ,ຈີນໄດ້ວາງແຜນກໍ່ສ້າງເສັ້ນທາງນີ້ມາແຕ່ດົນແລ້ວ,ແຕ່ກໍປະສົບບັນຫາຫຍຸ້ງຍາກທັງຕ້ອງຂ້າມຊາຍແດນແລະເງື່ອນໄຂທາງພູມສາດແລະວັດທະນະທຳທີ່ຈະຜ່ານນັ້ນມາໂດຍຕະຫຼອດ, "ແຕ່ແນວໃດກໍດີຖ້າສຳເລັດການກໍ່ສ້າງ,ເສັ້ນທາງດັ່ງກ່າວຈະກາຍເປັນທາງບົກທີ່ໃກ້ທີ່ສຸດລະຫວ່າງຈີນແລະອາຊີຕາເວັນອອກສຽງໃຕ້ແລະທີ່ສຳຄັນທັງຈີນ,ມຽນມາແລະໄທກໍລ້ວນແຕ່ຈະໄດ້ຮັບຜົນປະໂຫຍດ."