ອົງການ​ຈັດ​ຕັ້ງຊາວ​ມຸສລິ​ມອິນ​ໂດ​ເນ​ເຊຍ​ສະໜັບສະ​ໜູນ​ການ​ກໍ່ສ້າງ​ທາງ​ລົດ​ໄຟ​ຄວາມ​ໄວ​ສູງ​ຈາກ​ກາ​ຕາ-ບັນ​ດຸ​ງ
2017-03-17 16:59:30  cri 
ທ່ານ​ໄຊຢິດ ປະທານ​ສະມາຄົມ​ມຸສລິ​ມ ​ເຊິ່ງ​ເປັນ​ອົງການ​ຈັດ​ຕັ້ງ​ຊາວ​ມຸສລິ​ມ​ໃຫຍ່​ທີ່​ສຸດ​ຂອງ​ອິນ​ໂດ​ເນ​ເຊຍ​ຢືນຢັນ​ໃນ​ວັນ​ທີ 15 ມີນາ​ນີ້​ວ່າ: ສະມາຄົມ​ຕົນ​ສະໜັບສະໜູນການຮ່ວມມືກັບ​ຈີນກໍ່ສ້າງ​ທາງ​ລົດ​ໄຟຄວາມ​ໄວ​ສູງ​ຈາ​ກາ​ຕາ-ບັນ​ດຸ​ງ.

ໃນໂອກາດທີ່ໄຊຢິດຮ່ວມເດີນທາງຢ້ຽມຢາມວິທະຍາໄລຄຳພີເຄັມເປັກຊິເຣບູນເມືອງຊິເຣບູນແຂວງຊາວາຕາເວັນຕົກປະເທດອິນໂດເນເຊຍກັບ ທ່ານ​ເຊ້​ເຟິ່ງ ​ເອກ​ອັກຄະ​ລັດຖະທູດ​ຈີນ​ປະຈຳ​ອິນ​ໂດ​ເນ​ເຊຍ​ແຕ່ວັນທີ 14-16 ມີນານີ້ ແລະທ່ານກໍໄດ້​ກ່າວ​ວ່າ ຈີນ​ເປັນ​ເພື່ອນ​ບ້ານ​ທີ່​ດີ,ໝູ່​ເພື່ອນ​ທີ່​ດີ​ຂອງ​ອິນ​ໂດ​ເນ​ເຊຍ, ແລະບໍ່​ພຽງ​ແຕ່​ນຳ​ເອົາ ​ທຶນ​ແລະ​ເຕັກນິກ​ກ້າວໜ້າ​ມາສູ່​ອິນ​ໂດ​ເນ​ເຊຍ​ເທົ່າ​ນັ້ນ, ຍັງ​ໄດ້​ສ້າງວຽກ​ເຮັດ​ງານ​ທຳ​ຢ່າງ​ຫຼວງຫຼາຍ​ ​ແລະ​ສ້າງ​ຄວາມ​ຜາ​ສຸກ​ໃຫ້​ແກ່​ປະຊາຊົນ​ອິນ​ໂດ​ເນ​ເຊຍ​ອີກ​ດ້ວຍ.

ທາງ​ລົດ​ໄຟ​ຄວາມ​ໄວ​ສູງ​ຈາກ​າຕາ-ບັນ​ດຸ​ງຍາວ 150 ກິ​ໂລ​ແມັດ ​ເຊິ່ງ​ເຊື່ອມ​ຕໍ່​ນະຄອນຫຼວງ​ຈາກ​າຕາ​​ແລະ​ເມືອງ​ບັນ​ດຸ​ງ​ທີ່​ເປັນ​ເມືອງ​ໃຫຍ່​ອັນ​ດັບ 4 ຂອງ​ອິນ​ໂດ​ເນ​ເຊຍ. ຫຼັງ​ສຳເລັດການກໍ່ສ້າງ, ຈະ​ສາມາດ​ປະຢັດ​ເວລາ​ການ​ເດີນທາງ​ແຕ່ຈາ​ກາ​ຕາ​ຫາ​ບັນ​ດຸ​ງຈາກ 3 ຊົ່ວ​ໂມງ​ກວ່າ​ໃນ​ປັດຈຸບັນ​ເຫຼືອ​ພຽງ 40 ນາທີ​ເທົ່າ​ນັ້ນ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ