ວັນທີ 16 ມີນານີ້, ລັດຖະສະພາເອີຣົບໄດ້ຜ່ານມະຕິຕົກລົງສະບັບໜຶ່ງ ໂດຍຮຽກຮ້ອງໃຫ້ປະເທດສະມາຊິກຄວນຈິງໃຈໃນການເພີ່ມທະວີການຮ່ວມມືໃນຂົງເຂດປ້ອງກັນປະເທດ ເພື່ອສະແດງໃຫ້ເຫັນຫຼັກໝັ້ນຂອງລັດຖະສະພາເອີຣົບໃນບັນຫາວຽກງານປ້ອງກັນປະເທດຂອງສະຫະພາບເອີຣົບ ແລະຄົ້ນຄວ້າຄວາມອາດເປັນໄປໄດ້ໃນການລົງເລິກການຮ່ວມມືດ້ານວຽກງານປ້ອງກັນປະເທດຂອງສະຫະພາບເອີຣົບໃນຂອບສັນຍາລິສບອນ.
ມະຕິຕົກລົງຍັງໄດ້ຮຽກຮ້ອງໃຫ້ປະເທດສະມາຊິກສະຫະພາບເອີຣົບຈັດກອງປະຊຸມລະດັບລັດຖະມົນຕີປ້ອງກັນປະເທດຕາມກຳນົດ ເພື່ອສະໜັບສະໜູນທາງການເມືອງແລະຊັບພະຍາກອນທີ່ໃຫຍ່ຫຼວງກວ່າເກົ່າໃຫ້ແກ່ກົມປ້ອງກັນປະເທດຂອງເອີຣົບ ພ້ອມທັງລິເລີ່ມໃຫ້ສ້າງຂອບການຮ່ວມມືແບບຍາວນານ ເພື່ອເພີ່ມທະວີການຮ່ວມມືດ້ານການທະຫານ-ພົນລະເຮືອນແລະຍົກຂີດຄວາມສາມາດຮັບມືກັບວິກິດການທີ່ເກີດຂຶ້ນໄດ້ຢ່າງວ່ອງໄວ.
 |
