ງານວາງສະແດງສິນຄ້າສາກົນຄັ້ງທີ 6 ຢູ່ເນປານໄດ້ຈັດຂຶ້ນຢູ່ນະຄອນຫຼວງກັດມັນດູຂອງເນປານໃນວັນທີ 16 ມີນານີ້ ໂດຍໃນງານວາງສະແດງ, ມີຫ້ອງວາງສະແດງຜະລິດຕະພັນຂອງຈີນຫຼາຍເປັນອັນດັບສອງຖັດຈາກເປນານ.
ປະເພດສິນຄ້າທີ່ນຳມາວາງສະແດງມີທັງເຄື່ອງຫັດຖະກຳ,ຜະລິດຕະພັນ ແລະການບໍລິການດ້ານວິທະຍາສາດເຕັກໂນໂລຊີຂໍ້ມູນຂ່າວສານ, ຜະລິດຕະພັນກະສິກຳ,ຢາປິ່ນປົວແລະອຸປະກອນການແພດ,ຜະລິດຕະພັນໂລຫະ, ຜະລິດຕະພັນທີ່ເຮັດດ້ວຍໜັງສັດ, ເຟີນີເຈີແລະຜະລິດຕະພັນແຟຊັນເປັນຕົ້ນ.
ງານວາງສະແດງຄັ້ງນີ້ມີຫ້ອງວາງສະແດງປະມານ 340 ຫ້ອງ. ໃນນັ້ນ, ຫ້ອງວາງສະແດງຈາກຈີນ,ບັງກລາເດັດ,ອິນເດຍ,ປາກິສະຖານ,ໄທແລະປະເທດອື່ນໆໄດ້ຮັບຄວາມສົນໃຈຈາກບັນດາຜູ້ບໍລິໂພກໂດຍສະເພາະອຸປະກອນກົນຈັກແລະເຄື່ອງໃຊ້ໄຟຟ້າຕະຫຼອດເຖິງການບໍລິການສິນຄ້າ,ຜະລິດຕະພັນຂອງຈີນລ້ວນແຕ່ແມ່ນຜະລິດຕະພັນທີ່ມີຄຸນນະພາບສູງ.