ຕາມຂ່າວສານຊິນຮວາ:ທ່ານນາງຮວ້າຊຸນຢິງ ໂຄສົກກະຊວງການຕ່າງປະເທດຈີນກ່າວໃນການຖະແຫຼງຂ່າວເມື່ອວັນທີ 16 ມີນານີ້ວ່າ,ຫຼັງຈີນແລະຟິລິບປິນໄດ້ມີຄວາມພະຍາຍາມຮ່ວມກັນ, ໄດ້ເຮັດໃຫ້ການພົວພັນສອງຝ່າຍມີທ່ວງທ່າພັດທະນາໄປດ້ວຍດີ,ການຮ່ວມມືຕົວຈິງໃນຂົງເຂດຕ່າງໆໄດ້ກ້າວໜ້າຢ່າງວ່ອງໄວ,ແນວໃດກໍດີກໍຫວັງວ່າບຸກຄົນກ່ຽວຂ້ອງຂອງຟິລິບປິນຈະຖືເອົາຄວາມຜາສຸກຂອງປະເທດແລະປະຊາຊົນຟິລິບປິນເປັນສຳຄັນ,ຢ່າສ້າງອຸປະສັກໃຫ້ແກ່ການພັດທະນາສາຍພົວພັນສອງປະເທດ.
ມີນັກຂ່າວຖາມໂດຍອ້າງຕາມຂ່າວທີ່ລາຍງານວ່າ,ທ່ານອັດໂຕນີໂອ ຕຣີລັນສ ສະມາຊິກສະພາສູງຟິລິບປິນໄດ້ຍື່ນຍັດຕິໃຫ້ສະພາສູງໃນວັນທີ 15 ມີນານີ້ໂດຍຮຽກຮ້ອງໃຫ້ກວດກາຢ່າງເປັນທາງການຕໍ່ກໍລະນີທີ່ທ່ານປະທານາທິບໍດີໂຣດຣີໂກ ດູເຕິເຕອະນຸຍາດໃຫ້ກຳປັ່ນສຳຫຼວດວິທະຍາສາດຈີນເຄື່ອນໄຫວຢູ່ເຂດທະເລ "ເບນຮາມ ໄຣສ.ຂໍຖາມວ່າຈີນມີຄວາມເຫັນແນວໃດຕໍ່ເລື່ອງນີ້?
ທ່ານນາງຮວ້າຊຸນຢິງຕອບວ່າ,ຈີນໄດ້ຊີ້ແຈງຈຸດຢືນຕໍ່ບັນຫານີ້ມາຫຼາຍເທື່ອຫວ່າງມໍ່ໆນີ້ແລ້ວ.ແຕ່ບາງຄົນພາຍໃນປະເທດຟິລິບປິນສືບຕໍ່ບິດເບືອນຄວາມເປັນຈິງແລະສັບສົນແລະກໍຮູ້ສຶກເສຍດາຍຫຼາຍຕໍ່ເລື່ອງນີ້.ຈີນເຄົາລົບສິດທິຜົນປະໂຫຍດຂອງຟິລິບປິນຕໍ່ໄຫຼ່ທະວີບຂອງເບນຮາມ ໄຣສ ,ບໍ່ມີກໍລະນີທີ່ທ້າທາຍສິດທິຜົນປະໂຫຍດກ່ຽວຂ້ອງຂອງຟິລິບປິນ.ກຳປັ່ນຂອງຈີນມີສິດແລ່ນຜ່ານຢ່າງເສລີແລະບໍ່ມີຜົນຮ້າຍຕາມກົດໝາຍສາກົນເປັນຕົ້ນສົນທິສັນຍາກົດໝາຍວ່າດ້ວຍທະເລຂອງສະຫະປະຊາຊາດ.ຕໍ່ກໍລະນີທີ່ວ່າກຳປັ່ນຂອງຈີນເຄື່ອນໄຫວຢູ່ເຂດທະເລເບນຮາມ ໄຣສ ນັ້ນບໍ່ມີຫຼັກຖານແມ່ນແຕ່ໜ້ອຍດຽວ.
 |
