ຕາມຂ່າວສານຊິນຮວາ: ທ່ານຈ່າງເຕີຈ່ຽງ ປະທານຄະນະປະຈຳສະພາປະຊາຊົນແຫ່ງຊາດຈີນໄດ້ພົບປະກັບສົມເດັດຊາລມານ ບິນ ອັບດູລາຊິສ໌ ເຈົ້າຊີວິດອາຣັບບີຊາອຸດິດ ທີ່ຫໍສະພາປະຊາຊົນແຫ່ງຊາດຈີນໃນວັນທີ 17 ມີນານີ້.
ທ່ານຈ່າງເຕີຈ່ຽງກ່າວວ່າ, ຈີນຍິນດີຮ່ວມກັບອາຣັບບີຊາອຸດິດ ສືບຕໍ່ເອົາສາຍພົວພັນຈີນ-ອາຣັບບີຊາອຸດິດເປັນບູລິມະສິດໃນແນວທາງການຕ່າງປະເທດຂອງຕົນ. ສະພາປະຊາຊົນແຫ່ງຊາດຈີນຍິນດີເພີ່ມທະວີການໄປມາຫາສູ່ໃນລະດັບຕ່າງໆກັບສະພາປຶກສາອາຣັບບີຊາອຸດິດ ໂດຍປິ່ນອ້ອມຄວາມເປັນເອກະພາບລະຫວ່າງປະມຸກລັດສອງປະເທດ ເພື່ອຊຸກຍູ້ການຮ່ວມມືທີ່ຕິດແທດຕົວຈິງ, ຊຸກຍູ້ການແລກປ່ຽນບຸກຄະລາກອນແລະວັດທະນະທຳ ບົນພື້ນຖານສ້າງສາຍພົນພັນຈີນ-ອາຣັບບີຊາອຸດິດໃຫ້ນັບມື້ນັບໜັກແໜ້ນ ແລະສົ່ງເສີມມິດຕະພາບລະຫວ່າງສອງປະເທດຢ່າງບໍ່ຢຸດຢັ້ງ.
ສົມເດັດຊາລມານໄດ້ກ່າວສະແດງຄວາມຊົມເຊີຍຕໍ່ສະພາປະຊາຊົນແຫ່ງຊາດຈີນທີ່ໄດ້ເສີມຂະຫຍາຍບົດບາດຊຸກຍູ້ສາຍພົວພັນຈີນ-ອາຣັບບີຊາອຸດິດ ແລະເນັ້ນຍິນດີຊຸກຍູ້ໃຫ້ການພົວພັນໃນຂົງເຂດຕ່າງໆລະຫວ່າງສອງປະເທດກ້າວໜ້າຢ່າງບໍ່ຢຸດຢັ້ງ.
 |
