ວັນທີ 17 ມີນານີ້, ຢູ່ເມືອງດາວາວຂອງຟີລິບປິນ, ທ່ານໂຣດຣີໂກ ດູເຕເຕ ປະທານາທິບໍດີຟີລິປິນໄດ້ຕ້ອນຮັບການເຂົ້າຢ້ຽມຄຳນັບຂອງທ່ານວ່າງຢາງ ຮອງນາຍົກລັດຖະມົນຕີຈີນທີ່ພວມຢ້ຽມຢາມປະເທດຕົຈຢ່າງເປັນທາງການ.
ທ່ານດູເຕີເຕກ່າວວ່າ, ການພົວພັນລະຫວ່າງຟີລິບປິນກັບຈີນນັບມື້ນັບແໜ້ນແຟ້ນ, ຂ້າພະເຈົ້າຮູ້ສຶກພໍໃຈຕໍ່ສະພາບປັດຈຸລັນຂອງການພົວພັນລະຫວ່າງສອງປະເທດ, ແລະຂອບໃຈຕໍ່ການສະໜັບສະໜູນແລະການຊ່ອຍເຫຼືອຂອງຈີນ. ປະເທດຕົນຍິນດີສືບຕໍ່ເປີກກວ້າງການຮ່ວມມືທີ່ແທດເໝາະກັບຕົວຈິງ, ຮັກສາແລະລົງເລິກສາຍພົນພັນລະຫວ່າງສອງຝ່າຍອັນແຂງແຮງ, ຂ້າພະເຈົ້າເຊື່ອໝັ້ນວ່າການພົວພັນລະຫວ່າງຟີລິບປິນກັບຈີນຈະເຂົ້າສູ່ລະດັບໃໝ່. ປະເທດຕົນບໍ່ຫວັງໃຫ້ເປັນປໍລະປັກກັນກັບຈີນໃນບັນຫາທະເລຈີນໃຕ້, ຫາກຍິນດີໄວ້ເນື້ອເຊື່ອໃຈກັບຈີນເຊິ່ງກັນແລະກັນແລະປະຕິບັດຕໍ່ກັນດ້ວຍໄມຕີຈິດມິດຕະພາບ.
ທ່ານວ່າງຢ່າງກ່າວວ່າ, ເດືອນຕຸລາປີກາຍນີ້, ທ່ານປະທານາທິບໍດີໄດ້ຢ້ຽມຢາມຈີນຢ່າງສຳເລັດຜົນ, ໂດຍໄດ້ພົບປະກັບທ່ານປະທານສີຈີ້ນພິງເຊິ່ງມີລັກສະນະປະຫວັດສາດ. ອະນາຄົດຂອງການຮ່ວມມືລະຫວ່າງຈີນກັບຟີລິບປິນແມ່ນສົດໃສແລະມີກຳລັງບົ່ມຊ້ອນອັນໃຫຍ່ຫຼວງ. ໜ້າທີ່ຕົ້ນຕໍຂອງການຢ້ຽມຢາມຂອງຂ້າພະເຈົ້າເທື່ອນີ້ແມ່ນເລັ່ງລັດຈັດຕັ້ງປະຕິບັດຄວາມຮັບຮູ້ຄືກັນຂອງປະມຸກລັດສອງປະເທດ ເພື່ອສ້າງຄວາມສຸກໃຫ້ສອງປະເທດແລະປະຊາຊົນສອງປະເທດ. ແນວໃດກໍດີ, ສອງຝ່າຍໄດ້ຮັບໝາກຜົນອັນຕັ້ງໜ້າຢ່າງຫຼວງຫຼາຍກ່ຽວກັບຊຸກຍູ້ການຮ່ວມມືທີ່ແທດເໝາະກັບຕົວຈິງໃນຂົງເຂດຕ່າງໆລະຫວ່າງສອງປະເທດ. ຈີນຍິນດີແກ້ໄຂບັນຫາທະເລຈີນໃຕ້ຢ່າງເໝາະສົມໂດຍຜ່ານການສົນທະນາແລະເຈລະຈາກັບຟີລິບປິນ, ແລະຮັກສາທ່ວງທ່າອັນດີງາມຂອງການພົວພັນລະຫວ່າງສອງປະເທດ.