ວັນທີ 18 ມີນານີ້, ທ່ານ ຫວາງຢີ້ ລັດຖະມົນຕີກະຊວງການຕ່າງປະເທດຈີນ ແລະ ທ່ານ ເຣກສ໌ ຕີວເລີຊັນ ລັດຖະມົນຕີກະຊວງການຕ່າງປະເທດອາເມລິກາໄດ້ຮ່ວມກັນພົບປະນັກຂ່າວ. ໃນພິທີຖະແຫຼງຂ່າວ,ທ່ານ ຫວາງຢີ້ ໄດ້ຕອບຄຳຖາມທີ່ຈີນໄດ້ເສີມຂະຫຍາຍບົດບາດແນວໃດໃນບັນຫານິວເຄລຍຂອງແຫຼມເກົາຫຼີ.
ທ່ານ ຫວາງຢີ້ ກ່າວວ່າ: ໃນບັນຫານິວເຄລຍຂອງແຫຼມເກົາຫຼີ, ຈີນໄດ້ຍຶດຖືເປົ້າໝາຍປອດນິວເຄລຍຢ່າງສະເໝີຕົ້ນສະເໝີປາຍ ເພື່ອປົກປັກຮັກສາສັນຕິພາບແລະສະຖຽນລະພາບຂອງແຫຼມເກົາຫຼີກໍຄືຂອງພາກພື້ນ. ທາດແທ້ຂອງບັນຫານິວເຄລຍຂອງແຫຼມເກົາຫຼີແມ່ນຄວາມຂັດແຍ້ງກັນລະຫວ່າງ ສປປ ເກົາຫຼີ - ອາເມລິກາ,ໃນຖານະເປັນປະເທດບ້ານໃກ້ຄຽງຂອງແຫຼມເກົາຫຼີ ແລະ ປະເທດທີ່ມີຄວາມຮັບຜິດຊອບ, ໃນຫຼາຍປີຜ່ານມາ ຈີນກໍໄດ້ທຳຄວາມພະຍາຍາມຢ່າງຫຼວງຫຼາຍ ເພື່ອແກ້ໄຂບັນຫາດັ່ງກ່າວ.
ທ່ານ ຫວາງຢີ້ ກ່າວວ່າ: ສະຖານະການຂອງແຫຼມເກົາຫຼີໃນປັດຈຸບັນໄດ້ກ້າວໄປສູ່ທາງສີ່ແຍກໃໝ່ອີກເທື່ອໜຶ່ງ, ຈະສືບຕໍ່ເຮັດໃຫ້ສະຖານະການດຸເດືອດຂຶ້ນແລ້ວພາໃຫ້ເກີດການທະປະກັນ; ຫຼືຈະສະແຫວງຫາຊ່ອງທາງຟື້ນຟູການເຈລະຈາໃນຂະບວນການປະຕິບັດຕາມມະຕິຂອງສະພາຄວາມໝັ້ນຄົງສະຫະປະຊາຊາດຢ່າງເຄັ່ງຄັດ ເພື່ອໃຫ້ການເຈລະຈາກັບຄືນສູ່ຊ່ອງທາງເຈລະຈາຄືນໃໝ່. ຈີນຫວັງວ່າຝ່າຍຕ່າງໆທີ່ກ່ຽວຂ້ອງເຊິ່ງລວມທັງອາເມລິກາຄວນວິນິດໄສສະຖານະການດ້ວຍຄວາມໃຈເຢັນ ແລະຄັດເລືອກຢ່າງສະຫຼາດສ່ອງໃສ.
 |
