ໜ່ວຍຈັກຜະລິດໄຟຟ້າຂອງໂຮງໄຟຟ້າຖ່ານຫີນປັກກິ່ງຮວາເໜິງ ເຊິ່ງເປັນໂຮງໄຟຟ້າຖ່ານຫີນຂະໜາດໃຫຍ່ແຫ່ງທຸດທ້າຍຢູ່ປັກກິ່ງໄດ້ຢຸດຜະລິດໄຟຟ້າແລ້ວແລະຈະປ່ຽນສະພາບເປັນແຫຼ່ງຜະລິດສຸກເສີນເທົ່ານັ້ນ. ຈາກນີ້ ຈິ່ງເຮັດໃຫ້ປັກກິ່ງບັນລຸເປົ້າໝາຍບໍ່ໃຊ້ຖ່ານຫີນຜະລິດໄຟຟ້າ ແລະກໍກາຍເປັນຕົວເມືອງທຳອິດໃນທົ່ວປະເທດຈີນທີ່ຜະລິດຈາກພະລັງງານທີ່ສະອາດ 100%. ຂ່າວແຈ້ງວ່າ: ຫຼັງຢຸດຜະລິດໄຟຟ້າພະລັງງານຖ່ານຫີນແລ້ວຈະເຮັດໃຫ້ແຕ່ລະປີ ສາມາດຫຼຸດຜ່ອນການໃຊ້ຖ່ານຫີນປະມານ 1 ລ້ານ 7 ແສນ 6 ໝື່ນໂຕນ, ຫຼຸດການປ່ອຍຊຸນເຟີດີອົກຊິດ（SO2）91ໂຕນ,ນິໂຕຣແຊນ ອົກຊິດ (nitrogen oxides)ປະມານ 285 ໂຕນແລະຝຸ່ນລະອອງ 110 ໂຕນ.
