ກອງປະຊຸມສົ່ງເສີມງານວາງສະແດງສິນຄ້າອາຊີໃຕ້ແລະອາຊີຕາເວັນອອກສຽງໃຕ້2017 ແລະ ການຖະແຫລງຂ່າວການປຶກສາຫາລືການຄ້າແລະການລົງທຶນຈັດຂື້ນທີ່ນະຄອນຫລວງປັກກິ່ງສປ ຈີນ
ກອງປະຊຸມສົ່ງເສີມງານວາງສະແດງສິນຄ້າອາຊີໃຕ້ແລະອາຊີຕາເວັນອອກສຽງໃຕ້ 2017 ແລະ ການຖະແຫລງຂ່າວການປຶກສາຫາລືການຄ້າແລະການລົງທຶນ ໄດ້ຈັດຂື້ນທີ່ນະຄອນຫລວງປັກກິ່ງສປ ຈີນໃນວັນທີ 20 ມີນານີ້.ໂດຍການເປັນປະທານຂອງທ່ານ ກາວ ຊູຊຸນ ຫົວໜ້າຄະນະຈັດງານວາງສະແດງຄັ້ງນີ້ ແລະ ຜູ້ຕາງໜ້າຈາກສະພາສົ່ງເສີມການຄ້າສາກົນປະເທດຈີນ,ນັກທຸລະກິດ ພອ້ມດ້ວຍທີ່ປຶກສາທູດການຄ້າ ຕ່າງປະເທດປະຈຳສປຈີນ ແລະພາກສວ່ນ ທີ່ກ່ຽວຂອ້ງ ຕ່າງໆ ເຂົ້າຮ່ວມ 200ກ່ວາຄົນ.
ໃນພິທີນີ້, ທ່ານ ກາວ ຊູຊຸນ ໄດ້ນຳສະເໜີການພັດທະນາດ້ານເສດຖະກິດ, ສັງຄົມ,ວັດທະນະທຳແລະພື້ນຖານໂຄງລ່າງຂອງແຂວງຢຸນນານໂດຍສະເພາະການຄົມມະນາຄົມທາງອາກາດ,ທາງທະເລ ແລະທາງບົກ ທີ່ມີຄວາມສະດວກສະບາຍຮອບດ້ານ ທີ່ສາມາດດຶງດູດຄວາມສົນໃຈຂອງນັກລົງທຶນທັງພາຍໃນແລະຕ່າງປະເທດໄດ້ຢ່າງຫລວງຫລາຍ ແລະ ກໍ່ພອ້ມທີ່ຈະຊວ່ຍເຫລືອ ໃຫ້ຄຳປຶກສາ ແລະອຳນວຍຄວາມ ສະດວກ ທຸກດ້ານໃຫ້ແກ່ນັກລົງທຶນທີ່ ມີຄວາມສົນໃຈຢາກມາລົງທຶນຢູ່ແຂວງ ຢຸນນານ.
ສຳລັບງານວາງສະແດງ ສິນຄ້າອາຊີໃຕ້ແລະອາຊີຕາເວັນອອກສຽງໃຕ້ຈະຈັດຂຶ້ນຢູ່ຄຸນໝິງໃນວັນທີ 12-18 ມິຖູນາປີນີ້,ພາຍໃຕ້ຫົວຂໍ້ ໂອກາດການປະດິດສ້າງໃໝ່ ແລະ ສະແຫວງຫາການພັດທະນາໃໝ່.ເຊິ່ງຈະມີຮ້ານວາງສະແດງ ສິນຄ້າ 18 ແຫ່ງ ແລະຫອ້ງຈຳໜ່າຍສິນຄ້າ 8000 ຫອ້ງ.
ຈຸດປະສົງຕົ້ນຕໍຂອງງານນີ້ ແມ່ນສຸມໃສ່ລົງເລິກການຕິດຕໍ່ພົວພັນດ້ານນະໂຍບາຍການເຊື່ອມຈອດກັນທາງດ້ານພື້ນຖານໂຄງລ່າງ ແລະເຮັດໃຫ້ການຄ້າ ແລະການແລກປ່ຽນການລົງທຶນ ມີຄວາມສະດວກສະບາຍຫລາຍຂຶ້ນກ່ວາເກົ່າ ລວມທັງຄວາມເຂົ້າອົກເຂົ້າໃຈກັນລະຫວ່າງປະຊາຊົນຈີນ-ອາຊີໃຕ້ ແລະ ອາຊີຕາເວັນອອກສຽງໃຕ້ ກໍ່ຄືບັນດາປະເທດໃນພາກພື້ນແລະເຂດແຄ້ວນຕ່າງໆ ເພື່ອເຮັດໃຫ້ທຸກຝ່າຍໄດ້ຮັບຜົນປະໂຫຍດ.