ຕາມຂ່າວສານຈີນ:ຕຳຫຼວດໄທກ່າວວ່າ,ທະຫານແລະຕຳຫຼວດໄດ້ກວດຄົ້ນເຮືອນຫຼັງໜຶ່ງຢູ່ແຂວງປະທຸມທານີເຊິ່ງເປັນເຮືອນຂອງທ່ານວຸດຕິພົງ ໂກຊາທຳມະກຸນ ແກນນຳກຸ່ມເສື້ອແດງໃນວັນທີ 18 ມີນານີ້ແລະໄດ້ພົບອາວຸດແລະລູກປືນເປັນຈຳນວນຫຼາຍ.
ຫຼັງສອບສວນເບື້ອງຕົ້ນ,ຜູ້ເຝົ້າເຮືອນຫຼັງນີ້ຮັບສາລະພາບວ່າ,ທ່ານວຸດທິພົງໄດ້ນຳເອົາອາວຸດເຫຼົ່ານີ້ມາເກັບໄວ້ຢູ່ເຮືອນຫຼັງນີ້ຫຼັງການຊຸມນຸມຕໍ່ຕ້ານລັດຖະບານເມື່ອປີ 2010 ເຊິ່ງຕົນບໍ່ຮູ້ເລື່ອງ.ຂະນະທີ່ຕຳຫຼວດກໍກ່າວວ່າ,ຈະສືບສວນສອບສວນທີ່ມາແລະເປົ້າໝາຍການນຳໃຊ້ອາວຸດເຫຼົ່ານີ້.,
ຫຼາຍປີຜ່ານມາ,ກຸ່ມເສື້ອແດງໄທຫຼືທີ່ເອິ້ນກັນວ່າ ແນວຮ່ວມປະຊາທິປະໄຕຕໍ່ຕ້ານຜະເດັດການແຫ່ງຊາດເຄີຍປະທະກັບທະຫານແລະຕຳຫຼວດຫຼາຍເທື່ອເນື່ອງຈາກຈັດການຊຸມນຸມຕໍ່ຕ້ານລັດຖະບານແລະຈາກການປະທະກັນສົ່ງຜົນເຮັດໃຫ້ເກີດການເສຍຊີວິດແລະບາດເຈັບຢ່າງຫຼວງຫຼາຍ.