ຕາມຂ່າວສານຊິນຮວາ:ທ່ານຄາລິດ ອາບູ ບາກາ ຜູ້ບັນຊາການໃຫຍ່ກົມຕຳຫຼວດມາເລເຊຍກ່າວໃນວັນທີ 19 ມີນານີ້ວ່າ,ເຈົ້າໜ້າທີ່ຕຳຫຼວດພົບເຫັນຫຼັງສືບສວນສືບສວນຄະດີຊາຍສປປເກົາຫຼີເສຍຊີວິດໂດຍນອກຈາກຜູ້ຕ້ອງສົງໄສຫຼາຍຄົນທີ່ເປີດເຜີຍກ່ອນໜ້ານີ້ແລ້ວ,ອາດຈະມີອີກຫຼາຍຄົນກ່ຽວພັນກັບຄະດີນີ້ລວມທັງ "ບຸກຄົນສຳຄັນ".
ສຳນັກຂ່າວສານມາເລເຊຍລາຍງານໂດຍອ້າງຕາມການເປີດເຜີຍຂອງທ່ານຄາລິດທີ່ກ່າວໃນວັນທີ 19 ມີນານີ້ວ່າ,ຜູ້ທີ່ກ່ຽວພັນກັບຄະດີນັ້ນມີທັງພົນລະເມືອງສປປເກົາຫຼີເຊິ່ງເຈົ້າໜ້າທີ່ຕຳຫຼວດຈະອີງຕາມກົດໝາຍແລະໃຊ້ວິທີການທີ່ເໝາະສົມເພື່ອຈັບຜູ້ທີ່ກ່ຽວຂ້ອງ,ແຕ່ປັດຈຸບັນຍັງບໍ່ສາມາດເປີດເຜີຍຖານະຂອງເຂົາເຈົ້າໄດ້ເທື່ອ.
ແນວໃດກໍດີ,ເຈົ້າໜ້າທີ່ຕຳຫຼວດໄດ້ເປີດເຜີຍຂໍ້ມູນຂ່າວສານຂອງຜູ້ຕ້ອງສົງໄສຫຼາຍຄົນໃນໄລຍະສືບສວນສອບສວນແລ້ວຜູ້ຕ້ອງສົງໄສສັນຊາດສປປເກົາຫຼີ 4 ຄົນໄດ້ຖືກອົງການຕຳຫຼວດສາກົນສັ່ງຈັບແຕ່ພວກເຂົາໄດ້ໜີກັບຄືນສປປເກົາຫຼີແລ້ວ.ທ່ານຄາລິດຍັງຕື່ມກ່າວວ່າ,ຫວັງໃຫ້ສປປເກົາຫຼີ ຊ່ວຍມາເລເຊຍສືບສວນສອບສວນແລະມອບຜູ້ຕ້ອງສົງໄສ 4 ຄົນນີ້ໃຫ້ຕຳຫຼວດມາເລເຊຍ.