ຕາມຂ່າວສານຈີນ: ກອງປະຊຸມເວທີປຶກສາຫາລືການຮ່ວມມືເສດຖະກິດການຄ້າຈີນ-ຟີລິບປິນ ກໍຄືງານພົບປະສັງສັນທາງການຄ້າແລະການລົງທຶນຂອງວິສາຫະກິດຂະໜາດກາງແລະນ້ອຍຈີນ-ຟີລິບປິນ ໂດຍໄດ້ຈັດຂຶ້ນຢູ່ນະຄອນຫຼວງມະນີລາປະເທດຟີລິບປິນ ໃນວັນທີ 18 ມີນານີ້, ທ່ານວາງຢ໋າງ ຮອງນາຍົກລັດຖະມົນຕີຈີນໄດ້ເຂົ້າຮ່ວມກອງປະຊຸມດັ່ງກ່າວ.
ທ່ານວາງຢ໋າງກ່າວໃນກອງປະຊຸມວ່າ, ຂໍພຽງແຕ່ຍຶດໝັ້ນຄວາມໄວ້ເນື້ອເຊື່ອໃຈກັນ, ຄິດເຖິງຜົນປະໂຫຍດ ແລະຄວາມສາມັກຄີປອງດອງກັນ ກໍຄືຍຶດໝັ້ນການເປັນບ້ານໃກ້ເຮືອນຄຽງທີ່ດີຕໍ່ກັນ, ການພົວພັນຈີນ-ຟີລິບປິນຈະກ້າວໜ້າຕາມເສັ້ນທາງທີ່ຖືກຕ້ອງຢ່າງບໍ່ຢຸດຢັ້ງ.
ກອງປະຊຸມເວທີປຶກສາຫາລືການຮ່ວມມືເສດຖະກິດການຄ້າ ແລະງານພົບປະສັງສັນທາງການຄ້າແລະການລົງທຶນຂອງວິສາຫະກິດຂະໜາດກາງແລະນ້ອຍຈີນ-ຟີລິບປິນເປັນການຈັດຂຶ້ນຮ່ວມລະຫວ່າງສະມາຄົມສົ່ງເສີມການຄ້າຈີນ, ທະນາຄານອຸດສາຫະກຳການຄ້າຈີນຫຼື ICBC ກະຊວງການຄ້າແລະອຸດສາຫະກຳຟີລິບປິນ ແລະສະພາການຄ້າສາກົນຟີລິບປິນ ເຊິ່ງມີຜູ້ແທນຈາກລັດຖະບານແລະວົງການອຸດສາຫະກຳການຄ້າສອງປະເທດຈີນ-ຟີລິບປິນ 500 ກວ່າທ່ານເຂົ້າຮ່ວມ.