ຕາມຂ່າວສານຊິນຮວາ: ພັກສັງຄົມປະຊາທິປະໄຕເຢຍລະມັນ ໄດ້ໄຂກອງປະຊຸມຜູ້ແທນທົ່ວປະເທດໃນວັນທີ 19 ມີນານີ້ ແລະກອງປະຊຸມກໍໄດ້ເປັນເອກະພາບກັນເລືອກຕັ້ງທ່ານ ມາຕິນ ຊູວສ໌ ອະດີດປະທານລັດຖະສະພາເອີຣົບ ເປັນປະທານພັກ ແລະສົ່ງທ່ານລົງສະໝັກຮັບເລືອກຕັ້ງນາຍົກລັດຖະມົນຕີເຢຍລະມັນທີ່ຈະຈັດຂຶ້ນໃນເດືອນກັນຍາປີນີ້ໃນນາມຜູ້ສະໝັກຮັບເລືອກຕັ້ງຂອງພັກຕົນ.
ໃນການສຳຫຼວດປະຊາມະຕິຫຼາຍຄັ້ງເມື່ອມໍ່ໆນີ້, ພັກສັງຄົມປະຊາທິປະໄຕແລະສະຫະພັນປະຊາທິປະໄຕຄຣິສທີ່ນຳໂດຍທ່ານນາງ ອັນເຈີລາ ເມີແຄວ ນາຍົກລັດຖະມົນຕີ ມີອິດທິພົນເທົ່າທຽມກັນ. ແນວໃດກໍດີ, ຫາງສຽງເຢຍລະມັນມີຄວາມເຫັນໂດຍທົ່ວໄປວ່າ, ທ່ານ ຊູວສ໌ ແມ່ນຄູ່ແຂ່ງທີ່ແຂງແກ່ນຂອງທ່ານນາງ ເມີແຄວ.