ເຈົ້າໜ້າທີ່ຕຳຫຼວດໄທຢືນຢັນກ່ອນໜ້ານີ້ບໍ່ດົນວ່າ: ຫຼັງໄດ້ກວດພົບອາວຸດເປັນຈຳນວນຫຼາຍຢູ່ເຮືອນຂອງທ່ານວຸດທິພົງ ໂກສະທະມະກຸນ ແກນນຳກຸ່ມເສື້ອແດງຢູ່ແຂວງປາທຸມທານີ, ຜູ້ກ່ຽວກໍໄດ້ປະຕິເສດຜ່ານວີດີໂອທັງກ່າວຫາວ່າເຈົ້າໜ້າທີ່ຕຳຫຼວດໄທໃສ່ຮ້າຍປ້າຍສີຕົນ.
ທ່ານວຸດທິພົງກ່າວວ່າ, ຮູ້ສຶກເສຍໃຈເມື່ອເຫັນຜູ້ສະໜັບສະໜູນຖືກຈັບແຕ່ບໍ່ສາມາດຊ່ວຍເຫຼືອໄດ້ ແລະກໍຕຳໜິເຈົ້າໜ້າທີ່ຕຳຫຼວດທີ່ເສກສັນປັ້ນແຕ່ງເລື່ອງໃສ່ຮ້າຍຕົນ.
ໂຄສົກລັດຖະບານໄທກ່າວເນັ້ນວ່າ: ອາວຸດທີ່ຍຶດໄດ້ເຫຼົ່ານີ້ບໍ່ແມ່ນການສ້າງພາບຂອງລັດຖະບານທັງບໍ່ແມ່ນການໃສ່ຮ້າຍປ້າຍສີ ແລະຢືນຢັນວ່າທ່ານນາຍົກປຣະຍຸດຈັນໂອຊາໄດ້ຮຽກຮ້ອງໃຫ້ເກັບຫຼັກຖານຕື່ມເພື່ອສືບສວນຫາຄວາມຈິງທັງດຳເນີນຄະດີຕາມກົດໝາຍ.
 |
