ທະນາຄານໂລກປະກາດໃນວັນທີ 19 ມີນານີ້ວ່າ ໃນ 3 ປີຕໍ່ໜ້າ,ຕົນຈະສະໜອງທຶນຊ່ວຍເຫຼືອເຂດອາຟຣິກກາທິດໃຕ້ຊາຮາລາ 57 ຕື້ໂດລາສະຫະລັດ.
ທ່ານກິມຢົງ ຜູ້ວ່າການທະນາຄານໂລກອອກຖະແຫຼງການຫຼັງກອງປະຊຸມລັດຖະມົນຕີການເງິນແລະຜູ້ວ່າການທະນາຄານກາງກຸ່ມຈີ20ຢູ່ບາແດນບາແດນເຢຍລະມັນວ່າ: ທຶນຊ່ວຍເຫຼືອ ດັ່ງກ່າວຈະເລີ່ມປະຕິບັດແຕ່ເດືອນກໍລະກົດປີນີ້ເປັນຕົ້ນໄປ ໂດຍເນັ້ນໃສ່ຂົງເຂດການສຶກສາ,ກະສິກຳ,ສາທາລະນະສຸກ, ພື້ນຖານໂຄງລ່າງແລະອື່ນໆ.
ຕາມແຜນການ, ທຶນຊ່ວຍເຫຼືອສ່ວນໃຫຍ່ໄດ້ຈາກສະມາຄົມພັດທະນາສາກົນທີ່ຂຶ້ນກັບທະນາຄານໂລກ ເຊິ່ງໜ້າທີ່ຕົ້ນຕໍຂອງສະມາຄົມດັ່ງກ່າວຄືຮັບຜິດຊອບປ່ອຍເງິນກູ້ດອກເບັ້ຍຕ່ຳຫຼືບໍ່ມີດອກເບັ້ຍພ້ອມດ້ວຍເງິນບໍລິຈາກໃຫ້ປະເທດດ້ອຍພັດທະນາທີ່ສຸດ ໂດຍຈະສະໜັບສະໜູນຂົງເຂດການສຶກສາ, ພື້ນຖານໂຄງລ່າງ, ກະສິກຳແລະອື່ນໆເປນສະເພາະແລະໃນນີ້ ທຶນປະມານ 50%ຈະຊ່ວຍເຫຼືອປະເທດອາຟຣິກກາ.