ວັນທີ 20 ມີນານີ້, ທ່ານນາງ ຮວ້າຊຸ່ນຢີງ ໂຄສົກກະຊວງການຕ່າງປະເທດຈີນກ່າວວ່າ: ໃນໄລຍະທີ່ທ່ານເຣັກສ໌ ຕີວເລີຊັນ ລັດຖະມົນຕີກະຊວງການຕ່າງປະເທດອາເມລິກາຢ້ຽມຢາມຈີນນັ້ນ, ສອງຝ່າຍໄດ້ປຶກສາຫາລືກັນຢ່າງເລິກເຊິ່ງກ່ຽວກັບການຈັດການພົບປະລະຫວ່າງປະມຸກລັດຂອງສອງປະເທດໃນມໍ່ໆນີ້ ໂດຍໄດ້ກະກຽມວຽກຕ່າງໆ.
ໃນການຖະແຫຼງຂ່າວທີ່ຈັດຂຶ້ນໃນມື້ດຽວກັນ, ທ່ານນາງ ຮວ້າຊຸ່ນຢີງ ໄດ້ຕອບນັກຂ່າວວ່າ: ຈີນແລະອາເມລິກາລ້ວນແຕ່ໃຫ້ຄວາມສຳຄັນຕໍ່ການເພີ່ມທະວີການໄປມາຫາສູ່ກັນລະຫວ່າງການນຳຂັ້ນສູງແລະຂັ້ນຕ່າງໆຂອງສອງປະເທດ. ຂະນະທີ່ໃນໄລຍະທ່ານຕີວເລີຊັນຢ້ຽມຢາມຈີນນັ້ນ, ສອງຝ່າຍໄດ້ ປຶກສາຫາລືກັນຢ່າງເລິກເຊິ່ງກ່ຽວກັບການຈັດການພົບປະລະຫວ່າງປະມຸກລັດຂອງສອງປະເທດໃນມໍ່ໆນີ້ລວມທັງໄດ້ກະກຽມວຽກຕ່າງໆແລ້ວ. ນອກນີ້ສອງຝ່າຍຍັງໄດ້ເຫັນດີຮັກສາການພົວພັນຢ່າງໃກ້ຊິດໃນເລື່ອງນີ້ ເພື່ອຮັບປະກັນການໄປມາຫາສູ່ກັນລະຫວ່າງປະມຸກລັດແລະຂັ້ນຕ່າງໆຂອງສອງປະເທດດ້ວຍຄວາມສະດວກແລະປະສົບຜົນສຳເລັດທັງໄດ້ຮັບໝາກຜົນເປັນຢ່າງດີ.
 |
