ເຈົ້າໜ້າທີ່ຫ້ອງການດ່ານເຂົ້າອອກເມືອງພະແນກການຄ້າແຂວງຢຸນນານຈີນໃຫ້ສຳພາດນັກຂ່າວໃນວັນທີ 20 ມີນານີ້ວ່າ: ປີ 2016, ດ່ານຂອງຕົນສາມາດບັນລຸມູນຄ່າການສົ່ງອອກແລະນຳເຂົ້າເຖິງ 13 ຕື້ 890 ລ້ານໂດລາສະຫະລັດ, ເພີ່ມຂຶ້ນ 0,9% ເມື່ອທຽບໃສ່ໄລຍະດຽວກັນຂອງປີ 2015 ແລະ ຜົນງານທີ່ພົ້ນເດັ່ນກໍຄືການນຳເຂົ້າອຸປະກອນຮັບໃຊ້ໂຄງການອາຍແກັສທຳມະຊາດລະຫວ່າງຈີນ-ມຽນມາຈາກດ່ານຣຸ້ຍລີ້ 2 ລ້ານ 8 ແສນ 6 ໝື່ນໂຕນ ສາມາດສ້າງມູນຄ່າການນຳເຂົ້າໄດ້ເຖິງ 1 ຕື້ 330 ລ້ານໂດລາສະຫະລັດ.
ໃນ 25 ດ່ານທົ່ວແຂວງຢຸນນານ, ດ່ານເຂົ້າອອກເມືອງໂຕແບບທີ່ສຳຄັນໄດ້ມີບົດບາດຕໍ່ການພັດທະນາຢ່າງຈະແຈ້ງ ໂດຍໃນ 5 ດ່ານເຂົ້າອອກເມືອງເຊັ່ນດ່ານຣຸ້ຍລີ້(ຈີນ-ມຽນມາ), ດ່ານເຮີໂຂ້ວ(ຈີນ-ຫວຽດນາມ), ດ້ານບໍ່ຫານ(ຈີນ-ລາວ), ດ່ານເມີ້ງລຽນ(ຈີນ-ມຽນມາ) ແລະສະໜາມບິນສາງສຸຍຄຸນໝິງ,ສາມາດກວມເອົາມູນຄ່າການສົ່ງອອກແລະນຳເຂົ້າຂອງດ່ານເຂົ້າອອກເມືອງແຂວງຢຸນນານເຖິງ 70%.