ຕາມຂ່າວສານຊິນຮວາ: ໂຄສົກລັດຖະບານອັງກິດໃຫ້ສຳພາດຕໍ່ສື່ມວນຊົນໃນວັນທີ 20 ມີນານີ້ວ່າ, ທ່ານນາງ ເທເຣຊາ ເມ ນາຍົກລັດຖະມົນຕີຈະປະກາດເລີ່ມປະຕິບັດມາດຕາທີ 50 ຂອງ 'ສັນຍາລິສບອນ' ແລະເລີ່ມຕົ້ນຂັ້ນຕອນການຖອນອອກຈາກສະຫະພາບເອີຣົບຢ່າງເປັນທາງການໃນວັນທີ 29 ມີນານີ້.
ໂຄສົກທ່ານນີ້ກ່າວວ່າ, ທ່ານນາງ ເທເຣຊາ ເມ ຈະສົ່ງຈົດໝາຍໄປຫາອີກ 27 ປະເທດສະມາຊິກຂອງສະຫະພາບເອີຣົບ ເພື່ອແຈ້ງໃຫ້ຊາບການຕົກລົງດັ່ງກ່າວຂອງປະເທດຕົນ ແລະຫວັງຈະໄດ້ເຈລະຈາກັບສະຫະພາບເອີຣົບໂດຍໄວ. ແນວໃດກໍດີ, ເອກອັກຄະລັດຖະທູດປະເທດຕົນປະຈຳສະຫະພາບເອີຣົບ ກໍໄດ້ແຈ້ງຂໍ້ຕົກລົງດັ່ງກ່າວໃຫ້ສະພາມົນຕີສະຫະພາບເອີຣົບໃນມື້ດຽວກັນແລ້ວ.
ຂ່າວແຈ້ງວ່າ, ອັງກິດແລະສະຫະພາບເອີຣົບ ຈະໃຊ້ເວລາ 6 ເດືອນເພື່ອກຳນົດວ່າຈະເຈລະຈາແນວໃດ, ສ່ວນການເຈລະຈາຢ່າງແທ້ຈິງນັ້ນ ຕ້ອງລໍຖ້າຜົນສຳເລັດຂອງການເລືອກຕັ້ງຢູ່ຝຣັ່ງແລະເຢຍລະມັນໃນປີນີ້ແລ້ວ ຈຶ່ງຈະເລີ່ມຕົ້ນ ແລະຜົນການເລືອກຕັ້ງກໍຈະມີຜົນສະທ້ອນຕໍ່ການເຈລະຈາດັ່ງກ່າວ.
 |
