ຕາມຂ່າວສານຊິນຮວາ: ວັນທີ 20 ມີນານີ້, ທ່ານ ຮາກ ຮອງໂຄສົກເລຂາທິການໃຫຍ່ອົງການສະຫະປະຊາຊາດ ກ່າວໃນກໍລະນີທີ່ສປປເກົາຫຼີດຳເນີນການທົດລອງມໍເຕີຂອງຈະຫຼວດເມື່ອມໍ່ໆນີ້ວ່າ, ທ່ານ ອັນໂຕນີໂອ ກູເທີເລັສ ເລຂາທິການໃຫຍ່ ໄດ້ຮຽກຮ້ອງໃຫ້ສປປເກົາຫຼີຈົ່ງປະຕິບັດຕາມມະຕິທີ່ກ່ຽວຂ້ອງຂອງສະພາຄວາມໝັ້ນຄົງຢ່າງຮອບດ້ານ ແລະຫຼີກເວັ້ນບໍ່ໃຫ້ທ້າທາຍເກາະຜິດຕື່ມອີກ.
ທ່ານ ຮາກ ໄດ້ຕອບຄຳຖາມໃນການຖະແຫຼງຂ່າວໃນມື້ດຽວກັນວ່າ, ທ່ານ ກູເທີເລັສ ສະແດງຄວາມເປັນຫ່ວງຕໍ່ສປປເກົາຫຼີທີ່ດຳເນີນການທົດລອງຍິງຂີປະນາວຸດປະເພດຕ່າງໆ ແລະຮຽກຮ້ອງໃຫ້ສປປເກົາຫຼີຈົ່ງປະຕິບັດຕາມມະຕິທີ່ກ່ຽວຂ້ອງຂອງສະພາຄວາມໝັ້ນຄົງຢ່າງຮອບດ້ານ, ຫຼີກເວັ້ນບໍ່ໃຫ້ທ້າທາຍເກາະຜິດຕື່ມອີກ ແລະປະຕິບັດພັນທະສາກົນຂອງຕົນຢ່າງຮອບດ້ານ.
ຂ່າວສານສູນກາງເກົາຫຼີລາຍງານໃນວັນທີ 19 ມີນານີ້ວ່າ, ປະເທດຕົນໄດ້ດຳເນີນການທົດລອງເຄື່ອງມໍເຕີຂອງຈະຫຼວດທີ່ມີສະມັດຕະພາບສູງຮຸ້ນໃໝ່ຢູ່ເທິງໜ້າດິນເມື່ອມໍ່ໆນີ້.
 |
