ຕາມຂ່າວສານຈີນ: ພິທີເຊັນສັນຍາວ່າຈ້າງເອົາຫົວໜ້າກິຕິມະສັກສະຖາບັນຢາງພາລາສາກົນໄທ-ຈີນຂອງມະຫາວິທະຍາໄລວິທະຍາສາດເຕັກນິກຊິ່ງຕາວ ໄດ້ຈັດຂຶ້ນຢູ່ມະຫາວິທະຍາໄລຊິ່ງຕາວໃນວັນທີ 21 ມີນານີ້ ໂດຍໃນສັນຍາດັ່ງກ່າວໄດ້ຕົກລົງເລີ່ມຮັບສະໝັກນັກສຶກສາງວດທຳອິດຢູ່ໄທ ເຊິ່ງເປັນໂຄງການຮ່ວມມືລະຫວ່າງພາກການສຶກສາແລະໂຮງຮຽນຊັ້ນສູງຂອງສອງປະເທດ.
ການສ້າງຕັ້ງສະຖາບັນຢາງພາລາສາກົນໄທຈີນ ແມ່ນການປະດິດສ້າງຂອງສອງປະເທດໃນຂົງເຂດການສຶກສາຄົ້ນຄວ້າເຕັກນິກຢາງພາລາ ແລະກໍເພື່ອສົ່ງບຸກຄະລາກອນການຄົ້ນຄວ້າໃນຂົງເຂດອຸດສາຫະກຳຢາພາລາທີ່ມີຄຸນນະພາບສູງສູ່ໄທ, ສະໜອງເວທີການສຶກສາໃຫ້ຢູ່ແຖວໜ້າແລະທັດສະນະການສຶກສາທີ່ກ້າວໜ້າ ເພື່ອຊ່ວຍສ້າງວິຊາການດ້ານຢາງພາລາແລະການອົບຮົມຊັບພະຍາກອນມະນຸດໃຫ້ໄທ.