ເວັບໄຊ"ໜຶ່ງແລວທາງໜຶ່ງເສັ້ນທາງ"ແຫ່ງສປຈີນຄື www.yidaiyilu.gov.cn ໄດ້ເປີດນຳໃຊ້ຢ່າງເປັນທາງການໃນວັນທີ 21 ມີນານີ້ ຂະນະທີ່WeiBo(MicroBlog), ວີແຊັດກໍເປີດນຳໃຊ້ໄປພ້ອມກັນ.
ການເປີດເວັບໄຊດັ່ງກ່າວກໍເພື່ອເຜີຍແຜ່ຂໍ້ມູນຂ່າວສານ,ການແລກປ່ຽນວັດທະນະທຳ,ການຮ່ວມມືແບບຕ່າງຝ່າຍຕ່າງມີຜົນປະໂຫຍດທັງເປັນການເປີດເຜີຍແລະວິເຄາະນະໂຍບາຍກໍຄືກົດໝາຍກົດບັນຍັດວ່າດ້ວຍ "ໜຶ່ງແລວທາງໜຶ່ງເສັ້ນທາງ"ທັງພາຍໃນແລະຕ່າງປະເທດ ແລະນຳສະເໜີຄວາມຄືບໜ້າແລະຜົນສຳເລັດໃໝ່ຂອງການກໍ່ສ້າງ "ໜຶ່ງແລວທາງໜຶ່ງເສັ້ນທາງ"ຢ່າງພາວະວິໄສແລະຮອບດ້ານເພື່ອໃຫ້ການບໍລິການດ້ານຂໍ້ມູນຂ່າວສານແລະການສື່ສານແລກປ່ຽນສຳລັບວິສາຫະກິດ,ອົງການຈັດຕັ້ງສັງຄົມແລະພົນລະເມືອງຂອງບັນດາປະເທດລຽບຕາມ "ໜຶ່ງແລວທາງໜຶ່ງເສັ້ນທາງ"ທີ່ຕັ້ງໜ້າເຂົ້າຮ່ວມການກໍ່ສ້າງໂຄງການຕ່າງໆ.
ປີດເວັບໄຊນີ້ມີສອງພາສາຄືພາສາຈີນແລະອັງກິດ ແລະພາຍໃນປີນີ້ຍັງຈະໃຊ້ອີກຫຼາຍພາສາເປັນຕົ້ນຣັດເຊຍ,ຝຣັ່ງ,ອາຣັບ,ແອັສປາຍແລະອື່ນໆ ເຊິ່ງຈະປົກຄຸມເຂດແຄວ້ນສ່ວນໃຫຍ່ໃນທົ່ວໂລກ.