ວັນທີ 21 ມີນານີ້ ຢູ່ນະຄອນຫຼວງປັກກິ່ງ, ຈີນແລະອິສຣາແອນໄດ້ອອກຖະແຫຼງການຮ່ວມ ໂດຍຢືນຢັນຈະເນັ້ນການປະດິດສ້າງໃໝ່ໃນການສ້າງສາຍພົວພັນຄູ່ຮ່ວມຮອບດ້ານ.
ໃນໂອກາດທີ່ທ່ານ ເບັນຈາມິນ ເນທັນຢາຮູ ນາຍົກລັດຖະມົນຕີອິສຣາແອນຢ້ຽມຢາມຈີນ, "ການປະດິດສ້າງໃໝ່"ໄດ້ກາຍເປັນຫົວຂໍ້ຕົ້ນຕໍຂອງການພົບປະຫາລືໃນຄັ້ງນີ້ແລະຫຼັງການຫາລື,ຈີນແລະອິສຣາແອນໄດ້ລົງນາມໃນສັນຍາການຮ່ວມມືສອງຝ່າຍຫຼາຍສະບັບໃນຂົງເຂດຕ່າງໆເຊັ່ນ: ເສດຖະກິດ, ວິທະຍາສາດເຕັກໂນໂລຊີ,ການຄ້າ,ການບິນພົນລະເຮືອນແລະອື່ນໆ.
ມາຮອດທ້າຍປີ 2016, ຈີນໄດ້ສ້າງສາຍພົວພັນຄູ່ຮ່ວມຫຼາຍຮູບແບບກັບ 97 ປະເທດແລະອົງການຈັດຕັ້ງສາກົນ. ຂະນະທີ່ການສ້າງສາຍພົວພັນລະຫວ່າງສອງປະເທດຈີນ-ອິສຣາແອນນັ້ນໄດ້ເຮັດໃຫ້ອິສາຣາແອນກາຍເປັນປະເທດຄູ່ຮ່ວມທີສອງທີ່ພັດທະນາສາຍພົວພັນຄູ່ຮ່ວມການປະດິດສ້າງໃໝ່ກັບຈີນຖັດຈາກສະວິສ.