ຕາມຂ່າວCRI: ອົງການຮ່ວມມືເສດຖະກິດແລະການພັດທະນາ ຫຼື OECD ໄດ້ເຜີຍແຜ່ບົດລາຍງານ "ການສຳຫຼວດເສດຖະກິດຈີນ" ສະບັບທີ 5 ຢູ່ນະຄອນຫຼວງປັກກິ່ງໃນວັນທີ 21 ມີນາ ໂດຍຊີ້ໃຫ້ເຫັນວ່າ, ສາມາດຄາດຄະເນອະນາຄົດໄດ້ວ່າ ເສດຖະກິດຈີນຍັງແມ່ນກຳລັງຊຸກດັນຕົ້ນຕໍຕໍ່ການເຕີບໂຕຂອງເສດຖະກິດໂລກ.
ບົດລາຍງານເນັ້ນວ່າ, ເສດຖະກິດຈີນນັບມື້ນັບສົດໃສ, ເຖິງວ່າຈັງຫວະການເຕີບໂຕຂອງເສດຖະກິດໄດ້ຊ້າລົງ, ແຕ່ພັດສາມາດຫັນເປັນຮູບການເຕີບໂຕແບບຕໍ່ເນື່ອງໄດ້ດີກວ່າເກົ່າ. ບົດລາຍງານຍັງມີຂໍ້ສະເໜີໃຫ້ຈີນຄວນຊຸກຍູ້ການບໍລິໂພກ ເພື່ອເຮັດໃຫ້ການລົງທຶນກັບການບໍລິໂພກດຸນດ່ຽງກັນ ແລະດຳເນີນການປະຕິຮູບໂຄງປະກອບເສດຖະກິດຕື່ມອີກ.
ທ່ານແອນເກວ ກູເຣຍ ເລຂາທິການໃຫຍ່ອົງການ OECD ໄດ້ກ່າວວ່າ ເສດຖະກິດຈີນຄວນຫຼຸດການລົງທຶນຕໍ່ວັດຖຸຕົວຈິງໃຫ້ໜ້ອຍລົງ ດ້ວຍການຖືເອົາການປະດິດສ້າງເປັນກຳລັງຊຸກດັນຫຼາຍກວ່າ ເພື່ອເຮັດໃຫ້ການພັດທະນາເສດຖະກິດເປັນມິດຕໍ່ສິ່ງແວດລ້ອມ.
 |
